Баянгол дүүргийн Эрүүгийн хэргийн анхан шатны шүүхэд ШШГЕГ-ын харьяа цагдан хорих 461 дүгээр ангийн ажилтнууд болох Г.Сүхболд нарын таван шүүгдэгчид холбогдох хурал хоёр өдөр үргэлжилж, шийдвэрээ гаргажээ.
Баянгол дүүргийн прокурорын газрын хяналтын прокуророос Г.Сүхболд нарын таван шүүгдэгчдэд Эрүүгийн хуулийн тусгай ангийн 23.5 дугаар зүйлийн 2 дахь хэсэгт зааснаар /хууль сахиулагч үүргээ биелүүлээгүйн улмаас хүний амь нас хохирсон/ яллах дүгнэлт үйлдэж ирүүлсэн хэргийг Баянгол дүүргийн эрүүгийн хэргийн анхан шатны шүүх 2020 оны 11 дүгээр сарын 02, 03-ны өдрүүдэд хянан хэлэлцлээ.
Улмаар шүүх “шүүгдэгч нарын үйлдэл, эс үйлдэхүйн улмаас хүний амь нас хохирсон” гэсэн хууль зүйн үндэслэлгүй гэж дүгнэж “гэмт хэргийн шинжгүй “ үндэслэлээр хэрэгсэхгүй болгож шийдвэрлэсэн байна.
Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхийн Тамгын газар
