Энэ бол бид нарын ярих ёстой сэдэв шүү! Францад миний хажууд монгол гэдэг үгийг нэгнээ доромжлох маягийн утгаар хэрэглэхийг сонсож байсан. “T’es mongol ou quoi?” гэж хэрэглэдэг.
Гэхдээ бараг дандаа өсвөр насны хүүхдүүд арай “содон” маягийн үг ашиглахын тулд ингэж ашигладаг санагдсан. Би очоод ойлгуулж хэлсэн. “Энэ бол хар арьстай хүмүүсийг н*гер гэж хэлж байгаатай ижил маш бүдүүлэг зүйл” гэсэн.
Миний бодлоор шинэ үеийнх нь залуучууд Монгол гэж улс байдгийг ч мэдэхгүй учраас ийм зорилгоор хэрэглэдэг санагдсан. Нас тогтсон эсвэл юмны наана цаанатай хүмүүс энэ үгийг бол ингэж ашиглахгүй.
Гэхдээ ЯГ үүсэл нь гэвэл түүхэн шалтгаанаас эхэлнэ. Маниусын өвөг дээдэс Еврази даяар хүмүүсийн өгзөгийг өшиглөж явсан учраас монголчууд гэхээр яалтчгүй бардаггүй байсан болохоороо ерөнхийдөө дургүй байсан нь ажиглагддаг. Жишээ нь англи хэл дээр жаахан түүх харахлээр дэлхийн түүхэнд олон дайнд ялж, их газар эзэлсэн удирдагч нар МУНДАГ, АГУА, УХААНТАЙ гэж яригддаг мөртлөө Чингис хаан олон дайнд ялж, их газар эзэлхээрээ ХАРГИС, ЗЭРЛЭГ, АЛУУРЧИН болчихдог.
Тэгээд дараа нь яасан бэ гэсэн чинь гай газар доороос гэгчээр 1862 онд John Langdon Down гэж англи физикч зарим хүүхдүүд эхийн хэвлийд бүрэлдэхдээ илүүдэл 21-р хромсомын (trisomy 21 ч гэж нэрлэдэг) нөлөөгөөр эсийн гажиг үүсч байгааг судалж байсан байгаа юм.
Тэрхүү гажигтай төрсөн хүүхдүүд дундаж хүнээс доогуур IQ-тай, онигор нүдтэй, нилээд том толгойтой за та нар өөрсдөө google дээр down syndrom гээд хайгаад үзчихээрэй тиймэрхүү шинжтэй байсан байгаа юм. Тэгээд онигор нүдтэй болохоор нь тэр эрдэмтэн mongoloid гэдэг үгийг их ашигладаг байж (ерөнхий ази төрхийг mongoloid гэж нэрлэдэг). Тэгээд бүр давраад цаад чинь mongolism, mongolian imbecility (монгол тэнэглэл) гэдэг үг хүртэл ӨӨРӨӨ ЗОХИОЖ судалгаандаа ашиглаад яаж ийж байгаад монголчуудтай холбох гэж үзсэн байгаа юм. Зэвүүн гар.
За тэгээд дараа нь 1961 онд олон улсын 19 эрдэмтдийн бүрэлдэхүүнтэй баг үүнийг судалж үзээд ” Хүүеэ юун mongolism, mongolian imbecility нтр вэ? Энэ чинь МОНГОЛЧУУДТАЙ ЯМАР Ч ХАМААГҮЙ гажиг гэж батлаад түүнээс хойш 4 жилийн дараа 1965 онд Дэлхийн Эрүүл Мэндийн байгууллагаас АЛБАН ЁСООР энэхүү нэршлүүдийг хасуулж оронд нь эрдэмтний өөрийнх нь нэрийг ашиглан Down syndrome гэж нэрлэдэг болсон түүхтэй.
Өөрөөр хэлбэл 1860-аас 1960-аад он хүртэл 100 жилийн хугацаанд маниусыг ХЭЛМЭГДҮҮЛЖ байсан гэсэн үг. Тэгээд бас шууд хэрэглээнээс гараагүй 1980-аад он хүртэл бас энэхүү нэршлүүд явж байгаад хэрэглээнээс устгагдаад өнөөдөр маш ховор тохиолдолд хоосон толгойтой хүмүүс энэхүү үгийг нэгнээ шоглох гэж хэрэглэсээр байгаа юм байна. Өнөөдөр дэлхий дээр байгаа бүх монголчууд энэхүү ҮНЭНИЙГ мэдэх ёстой!
Гэр бүл найз нөхөддөө түгээ!
Тэгэхээр санаа зоволтгүй бид нар улсаараа гажиг хүмүүс биш! Энэ бол бид нарт дүргүйдаа ч юм уу нэг эрдэмтний хийсэн болчимгүй үйлдэл эрвээхэйн нөлөөллөөр явсаар өнөөдөр Formula 1-ийн нисгэгч хараахдаа тэрхүү үгийг нь хэрэглээд би тэр мэдээллийг нь хараад шөнийн 3 болж байхад судалгаа хийж энийг бичээд сууж байна кк.
Харин ч эсрэгээрээ өнөөдөр дэлхий тэр чигтээ Д витамины дутагдалд орж коронад балбуулж байхад эрүүл хүмүүс Монголд л байна (мод 3 тогшив, хэл ам холуур). Хамгийн органик малын мах иддэг хүчтэй бөхчүүдтэй орон Монгол байна. IQ өндөртэй хүүхдүүд дэлхийн оюун ухааны уралдаануудад толгойлоод л явж байна.
Миний хувьд бид нэгэнт дэлхий даяар “Энэ ингэж хэрэглэж болохгүй үг шүү” гэж ойлгуулах боломжгүй! Оронд нь бид өөрсөд дээрээ анхаарах хэрэгтэй. Бид өөрсдөө хөгжиж эхэлсэн цагт хүссэн хүсээгүй хүмүүс ийм “дажгүй” улс байдаг гэсэн хандлагаар бидний улсын нэр зарим орны доромж үгний жагсаалтаас ӨӨРӨӨ ХАСАГДЧИХНА.
Юм өнөөдрөөр дуусахгүй. Одоогоор дэлхийн бараг бүх том орнууд унтаа байдалтай байгаа. Энэ үеийг ашиглаж бид өмнө алдсан зөрүүгээ багасгах хэрэгтэй. Залуус хувь хүний хөгжил дээрээ 10x хурдаар ажиллах хэрэгтэй. Хүн ам багатай улсын давуу тал нь ӨӨРЧЛӨГДӨХДӨӨ ХУРДАН байдаг. Бид тэр давуу талаа ашиглах хэрэгтэй. Гэхдээ мэдээж хэн ч миний хажууд энэ үгийг ингэж хэрэглэхийг зөвшөөрөхгүй! Би монгол хүн болж төрсөн. Монгол хүн гэдгээ дэлхийн хаана ч нүүр бардам хэлнэ. I AM MONGOL so what?
