![\"\"](http://undesten.mn/uploads/posts/2016-10/1475483248_14528337_10210492110720424_779567724_n.jpg "\\"\\"")
Ерөнхийлөгчийн хүү, Мэеэгомбын Энхболдын охин нар дүүргийн иргэдийн хуралд нэр дэвшин явж байна. Яах гэж тэр вэ? гэж үү. Улс төрийн амьдралаа эцгийнхээ дэмжлэгтэйгээр эхлүүлэх гэж тэр шүү дээ. Улс төрчийн хүүхэд болон мэндэлж дутагдах гажигдах юмгүй өссөн тэд амьдралд хэр ойр бол. Хоолгүй хонох айлын зовлонг мэдрэх болов уу. Гэр хороололд ширхэгээр нь нүүрс зөөж, өвлийн хүйтэнд хүйтэн ус зөөж, мод хагалаж, угаадас асгаж үзээгүй тэд та бидний амьдралд дүүргийн үйлчилгээнд төлөөлөл болох юм гэнэ. Тэдэнд тийм зүйл үзэж туулаагүй байж яаж мэдрэх вэ. Идэх, уухаар дутаг үзээгүй тэд төрийн мөнгөөр гадаад дотоодын их дээд сургуулийг төгсөж, найз нөхөд гэх дээдсийн хүрээнийхэнтэй шоудаж хэмээн сэтгүүлийн нүүр чимж, өвчлөхөд гадаадад эмнэлэг бараадаж өссөн суурь хүмүүжилтэй нөхдүүд \”мөнгөний үнэ цэнийг, мөнгөний хатуу хөтүүг” үзээгүй өссөн тэдэнд төрд зүтгэх алсын бодол байгаа бол төрийн үйлчилгээний \”нэг цонхны” үйлчилгээнээс эхлэвэл яасын. Дөрвөн жил иргэд юу ярьж, юунд бүдэрч, төрийн нэг алдаатай шийдвэр яаж нөлөөлдөгийг \”амьдралаараа сонсож” мэдрэх хэрэгтэйн бусуу. Тэд төрийн үйлийг аав нарынхаа школаар удирдаж нэг үгээр аав нарынхаа арын алба болох гэж санаархаад байна уу.
![\"\"](http://undesten.mn/uploads/posts/2016-10/1475483219_14569672_10210492110680423_667408059_n.jpg "\\"\\"")
1. Ц.Элбэгдоржийн Эрдэнэ. 2011 онд АНУ-ын Дрекселийн их сургуулийг биологич мэргэжлээр төгссөн бол 2015 онд Оксфордын их сургуулийн Улс төрийн сургуульд улс төр судлаач-нийтийн удирдлага мэргэжлээр суралцан магистрын зэрэг хамгаалсан байдаг. Тэрээр Сирийн ажиллагаанд явж байсан ба Ерөнхийлөгч хүүгээ Батлан хамгаалах салбарт \”сойж” байна хэмээн иргэд хардаг байлаа. Түүнийг БЗД-ийн 27-р хороо буюу Дарь-Эхийн /гэр хорооллын/ айлуудад тустай дэмтэй нэг өгүүлбэр ч холбон хэлж чадахгүй байна хэмээн хорооны иргэд нь ам муутай байсан. Харин батлан хамгаалах салбартаа ажиллаж амьдарч байсан бол аавынх нь тухай элдэв цуу ч бага хүрч, эцгийнхээ улс төрийн золиост амьдралын бай болохгүй байх байлаа гэж халагдах хүн цөөнгүй байсан юм.
![\"\"](http://undesten.mn/uploads/posts/2016-10/1475483295_14556058_10210492110760425_949498488_n.jpg "\\"\\"")
Ийнхүү төрийн түшээдийн залгамж халаа болж болсон болоогүй эцгийн дэмжлэг, мөнгө хоёроор танай хороонд тулгамдаад байгаа асуудлыг шийдвэрлэх юм гэнэ. Ядахдаа ч цуг сонгогдсон ДИХТ-чид нь өдөөс нь олигтойхон үг хэлж чадахгүйд хүрнэ биз. Эцгийн нөлөөлөөс нь айгаад тэр. Улс төрийн амьдралд өөрийн хийсэн мөртэй, замтай явж чадахгүй ард түмний хүсэлт хүлээлтээр бус эцгийнхээ үүрэг даалгавараар хүссэн хүсээгүй \”мөнгөөр цохин” гарч ирнэ биздээ. Тэд уран яруу \”донгодож” чаддаг байх гэж таамаглаж байна эцгийнхээ 25-26 жилийн \”жүжгийг үзэж” өссөн шүү дээ.
