Сангийн сайд асан Б.Болор \”Эрдэнэт\” үйлдвэрийн асуудлаар юу хэлэв

 

УИХ-ын дэд дарга
Ц.Нямдорж Эрдэнэт үйлдвэртэй холбоотой мэдээлэл хийсэн билээ. Үүний дараа олон
нийт Ардчилсан намыг тухайн үед ажиллаж байсан Засгийн газрын гишүүдийг
буруутгах хандлагатай болоод байгаа. Тэгвэл өнөөдөр Сангийн
сайд асан Б.Болор өөрийн цахим хуудаснаа үүсээд буй асуудлын талаар мэдээлэл
хийсэн байна.

\”… Та бүхэнд энэ өдрийн мэндийг хүргэе.

Сүүлийн үед гарч буй мэдээллүүдийн талаар байр сууриа
илэрхийлээчээ гэсэн хүсэлт олон нийт тэр дундаа сэтгүүлчдийн зүгээсихээр
ирж байгаа учраас өөрийн фэйсбүүк хуудсаараа дамжуулан үзэл бодлоо хуваалцъя
гэж бодлоо. \”Эрдэнэт үйлдвэр” ХХК-ийн 49 хувийн хувьчлалын асуудлаар УИХ-ын
гишүүн Ц.Нямдоржийн гаргасан мэдэгдэлд зөвхөн өөрийн зүгээс багахан тайлбар
хийе.

Энд нэг зүйлийг хамгийн түрүүнд тодруулж хэлэхэд ОХУ өөрийн
эзэмшлийн хувь болох 49 хувийг Монголын компанид худалдсан байгаа. Оростой хийж
байсан хэлэлцээрээр үе үеийн Засгийн газар үүнийг л Оросын талаас хүсдэг
байсан. УИХ-ын гишүүн Ц.Нямдорж ч олон жил Засгийн газрын гишүүнээр ажилласан
хүний хувьд үүнийг сайн мэдэж байгаа. Гэхдээ миний бие Ц.Нямдорж гишүүнтэй хувь
хүнийхээ хувьд нэлээд дотно байдаг, мөн үе үе уулзаж, санал бодлоо солилцдог
хүний хувьд гишүүн уг асуудлаар тодруулга хүсэж, эргэлзээгээ тайлах гэж байгаа
нь зүйн хэрэг гэж бодож байна.

Тушаал гаргасан асуудлын хувьд бол Эрдэнэт үйлдвэрийн ОХУ-ын
талын эзэмшлийн хувь болох 49 хувь худалдагдлаа гэсний дараа ТУЗ-д өөрчлөлт
орж, шинэ дүрэм журмаа батлуулах шаардлага гарсан болон Засгийн газрын
шийдвэрийг үндэслэж уг тушаал гарсан байгаа. Монгол Улсад 51 хувийн эрхийг
хэрэгжүүлэх бүрэн эрх нь бий. Учир нь \”Эрдэнэт үйлдвэр” ХХК өнөөдөр 100 хувь
үндэсний үйлдвэр болсноор Монгол Улсын хуулинд захирагдаж ажиллах болно. Дэлхийн болон үндэсний томоохон компаниудын жишгээр ТУЗ-ийн
дарга нь цөөнх эсвэл хараат бус гишүүнээр сонгогдсон байдаг. Харин гүйцэтгэх
удирдлага бол олонхиос томилогдох учиртай. Өнөөдөр төрөөс томилогдсон гүйцэтгэх
удирдлага болох Ц.Даваацэрэн захирал ажлаа хийж л байгаа. Харин шинэ засаг өөр
бодолтой байгаа бол дүрмээ өөрчлөх, удирдлагаа солих зэрэг бүх зүйл нээлттэй
байгаа. Үүнийг надаар хэлүүлэлтгүй бүгд л мэдэж байгаа байх.

Татвар төлөлтийн хувьд бол ОХУ 49 хувиа Монголд худалдсанаар
татвар төлөлт буурна гэж байхгүй шүү дээ. Тэгээд ч хоёрхон сарын дотор татвар
төлөлт буурлаа гэж дүгнэлт хийх ямар ч боломжгүй.

Ер нь бол \”Эрдэнэт” үйлдвэр үе үеийн улс төрчдийн \”шахаа”-ны
бизнесээ хийдэг компани болсон байсныг бүгд л ярьдаг, бичдэг. Харин одоо бол
энэ байдал нэлээд хумигдах, улмаар бүр мөсөн арилах боломжтой болж байгаа.
\”Эрдэнэт” үйлдвэр илүү зардалгүй ажилласнаараа 51 хувийг эзэмшдэг улсдаа ч
ашигтай, 49 хувь эзэмшдэг хэсэгтээ ч ашигтай шүү дээ. Хамгийн сүүлд хийсэн
шалгалтаар бэлгэвч хүртэл шахаж байсан нь илэрсэн байдаг. Энэ бүх зүйл сүүлийн
20 гаруй жил арай л хэтэрсэн байсан. Харин одоогийн захирал Ц.Даваацэрэнг би
хувьдаа \”Эрдэнэт” үйлдвэрийг зөв удирдаж байгаа гэж дүгнэдэг.

Өнөөдөр улс орны эдийн засаг маш хүнд байгаа энэ цаг үед эцэс
төгсгөлгүй улс төржилтөө бүгдээрээ зогсоомоор байна. Би Ерөнхий сайд
Ж.Эрдэнэбатыг шийдвэртэй, зоригтой алхамуудаа хийгээд яваасай гэж хүсэж, дэмжиж
байгаа. Өнгөрсөн жил миний зүгээс УИХ-д өргөн барьсан төсөвтэй зарчмын хувьд
нэлээд төстэй тодотгол оруулж ирсэн боловч харамсалтай нь яг надтай адилхан Их
Хурлын босгоо давж чадсангүй. Уг нь 65 кноп гэдэг бол бидэнд байгаагүй том
боломж. МАН ч гэсэн энэ үнэмлэхгүй ялалтаа ашиглаж, эдийн засгаа эрүүлжүүлэх
бодлогыг улс төржилгүйгээр хиймээр байна. \”Ямар аймаар юм бэ” гэж шагширцгаахын
оронд цаашдаа яахав ээ гэдэг дээрээ ухаанаа уралдуулах хэрэгтэй. Бид чаднаа л
гэж Ард түмний санал авсан биз дээ. Эдийн засгийн буруу бодлого өнгөрсөн 4 жилд биш сүүлийн 20 гаруй
жил үргэлжилсэн. Бид чөлөөт зах зээлийн эдийн засаг сонгочихоод хуучин эдийн
засаг, хуучин сэтгэлгээнээсээ гарч чадахгүй явсаар өдийг хүрээд байна.

Миний хувьд өмнөх засагт эдийн засгийг эрүүлжүүлэхийн төлөө
нэлээд шийдвэртэй ажиллах гэж хичээсэн. Зарим талаар болсон нь ч байна.
Болоогүй нь ч бас байна. Магадгүй алдаа ч байсан байх. Эцэст нь эх орныхоо төлөө бүгд л сэтгэл зүрхээ зориулж,
хэрүүлгүй, талцалгүй, эвтэй байвал болохгүй, бүтэхгүй зүйл гэж үгүй шүү дээ.

Баярлалаа Та бүхэндээ” гэжээ.

 

Үндэстэн агентлаг