Хоёрдугаар сарын дөрвөний өдрийн байдлаар Төрөөс хэрэгжүүлж буй ипотекийн хөнгөлөлттэй зээлийн эргэн төлөлтийг хойшлуулах ажлын хүрээнд нийт 1.87 их наяд төгрөгийн зээлийн үлдэгдэлтэй 33 мянга 929 зээлдэгчийн хүсэлтийг шийдвэрлэсэн байна.
Энэ нь нийт хүсэлтийн 87 орчим хувь юм. Эргэн төлөлтийг хүү хуримтлуулахгүйгээр хойшлуулаад байгаа гэж Төв банк мэдээллээ. 2021 оны нэгдүгээр сарын 30-ны өдрийг дуустал иргэд үйлчлүүлдэг банкандаа хүсэлтээ гаргаж шийдвэрлүүлэх боломжтой.
Цар тахлын хүндрэлийн үед иргэдийн орлогыг хамгаалж, зээлийн дарамтыг бууруулах зорилгоор ипотекийн зээлийн эргэн төлөлтийг 2021 оны долоодугаар сарын нэгний хүртэл хойшлуулах шийдвэрийг гаргаад байгаа юм.
