Нэмэлт сонгууль энэ сарын 23-нд болно

$\"\"$

Өчигдөр улс даяар Сум дүүргийн ИТХ-ын 2016 оны сонгууль болж өндөрлөсөн. Үүнтэй холбогдуулан 15 цагаас Сонгуулийн ерөнхий хороо мэдээлэл хийлээ. Тодруулбал: Улсын хэмжээнд 1765 тойрогт 7308 мандатаар 15191 нэр дэвшигч өрсөлдсөн. Нийт 21 аймгаас 10 аймагт нийслэлийн 9 дүүргийн 7 -д ирц хүрээгүй байна. Эдгээр ирц хүрээгүй дүүрэг сумдын тойрог, хэсэгт нэмэлт санал хураалт явуулахаар боллоо. Харин 19 аймгийн 117 нэр дэвшигчийн саналын тоо тэнцсэн гэсэн ба эдгээр тойргуудад дахин санал хураалт болох юм. Нэмэлт санал хураалт 10-р сарын 23-ны Ням гаригт харин дахин санал хураалтыг 10-р сарын 26-ны Бямба гаригт явуулахаар болсон байна. Нэмэлт ба дахин санал хураалт явуулахаар болсон тойргуудыг хүргье.

Нэмэлт санал хураалт явагдах аймагууд

Архангай аймаг 2 тойрог 2 хэсэг
Баянхонгор аймаг 2 тойрог 2 хэсэг
Говь – Алтай аймаг 1 тойрог 1 хэсэг
Дорнод аймаг 6 тойрог 8 хэсэг
Дундговь аймаг 1 тойрог 1 хэсэг
Өмнөговь аймаг 3 тойрог 3 хэсэг
Хөвсгөл аймаг 9 тойрог 9 хэсэг
Хэнтий аймаг 1 тойрог 1 хэсэг
Дархан-Уул аймаг 15 тойрог 26 хэсэг
Орхон аймаг 17 тойрог 27 хэсэг

Нийслэлийн дүүргүүд

Багануур 1 тойрог 2 хэсэг
Баянгол 9 тойрог 17 хэсэг
Баянзүрх 24 тойрог 71 хэсэг
Чингэлтэй 15 тойрог 39 хэсэг
Хан-Уул 5 тойрог 14 хэсэг
Сүхбаатар 5 тойрог 9 хэсэг
Сонгино-Хайрхан 21 тойрог 61 хэсэг

Дахин санал хураалт явагдах аймгууд

Архангай	2
Баян-Өлгий	2
Баянхонгор	3
Булган	4
Говь-Алтай	3
Говьсүмбэр	1
Дорноговь	2
Дорнод	4
Дундговь	1
Завхан	3
Өвөрхангай	2
Өмнөговь	1
Сүхбаатар	2
Сэлэнгэ	3
Төв	6
Увс	4
Ховд	3
Хөвсгөл	3

Мөн сонгуулийн Ерөнхий хорооноос Нэмэлт болон дахин сонгуулийн үед сонгогчдын нэрсийн жагсаалтад ямар нэгэн өөрчлөлт шилжилт хөдөлгөөн орохгүй гэдгийг мэдэгдсэн. Эдгээр мэдээлэл нь цагдаа болон тагнуулын байгууллагынхны хяналтан дор сум дүүргийн хэсгийн хороодод байрлаж байгаа гэсэн юм. Мөн зарим нэг байгууллага улс төрийн намуудаас сонгуульд саналаа өгөөгүй иргэдийн нэрсийг гаргаж өгөх хүсэлт тавьсан байна. Эдгээр иргэдийн нэрсийг тухайн аймаг дүүргийн тойргийн хороо саналын хэсэгт хүсэлт гарган авах боломжтой гэлээ. Мөн иргэддээ зориулж нэмэлт ба дахин санал хураалтын талаар тайлбар хийсэн юм.

Нэмэлт санал хураалт гэдэг нь Тухайн сум дүүргийн иргэдээс сонгуульд саналаа өгөөгүй иргэд өгөх ба энэ нь тухайн тойрог хэсгийн ирцэд нэмэлт болон бичигдэж ирцийг 50 хувьд хүргэнэ.

Дахин санал хураалт гэдэг нь Тухайн сум дүүргийн тойрогт нэр дэвшсэн дэвшигчдийн санал тэнцсэн тохиолдолд зөвхөн тэдгээр санал тэнцсэн нэр дэвшигчидийн нэрстэй саналын хуудсыг хэвлэн гаргах ба тухайн тойргийн санал тэнцсэн хэсгийн хороодын иргэд дахин очиж саналаа өгөх юм.

Иргэд та бүхэн сонгуульдаа идэвхитэй оролцож саналаа өгөх нь улсдаа тус болж үүргээ биелүүлж байгаа хэрэг юм.

Үндэстэн агентлаг