Худал зүйлсийг мянга сонсвол үнэн болдог гэдэг. Зарим нь зүгээр л хэн нэгний зохиосон худал зүйл үнэн мэт амнаас ам дамжин яригддаг.
Тэгвэл тэдгээр худал зүйлс бодит байдалтай хэр ойр эсэхийг харуулсан нэгэн нийтлэлийг хүргэе.
1. Алтан загас мартамхай амьтан
Алтан загасны санах ойг ердөө 30 секунд байдаг гэж үздэг. Гэвч The Plymouth University – ийн эрдэмтдийн явуулсан судалгаагаар үнэн хэрэгтээ 3 сарын санах ойтой болохыг тогтоожээ. Түүнээс гадна зүг чигийг заагч болохын зэрэгцээ цаг баримжаалахад тусалдаг хосгүй амьтан юм байна.
2. Зүүдэндээ явдаг хүнийг сэрээж болохгүй
Зүүдэндээ явдаг хүнийг сэрээх нь маш их хор хөнөөлтэй төдийгүй сэтгэцийн эмгэгт хүргэдэг гэсэн яриа байдаг бас кинонд ч гэсэн гардаг. Гэвч эсрэгээрээ бодит амьдрал дээр тэднийг сэрээх нь хэсэг самгардуулахаас биш ямар ч гаж нөлөө авчирдаггүй гэнэ. Харин ч сэрээхгүй байснаараа сэрээгээгүйгээсээ илүү хөнөөлтэй байдаг ажээ.
3. The Empire State Building – ээс зоос шидэж болохгүй
Нью Йоркийн хамгийн өндөр барилгын нэг The Empire State Building нь дээвэр дээрх антеннатайгаа 443 м өндөр юм. Барилгын ажиглалтын цамхагаар 110 сая гаруй хүн үйлчлүүлсэн байдаг. Барилгын албан хаагчдын зүгээс задгай зоос шидэж болохгүйг анхааруулдаг нь өндрөөс шидсэн зоос хүний гавлыг цоолох магадлалтай гэж үздэгтэй холбоотой.
Тэгвэл The Mythbusters шоу багийнхны туршилтаар 80 км/ц хурдтай унадаг зоос гавал цоолох боломжгүйг нотолжээ.
4. Эрчүүд 7 сек тутам секс боддог
Хүний тархинд өдөрт 40.000 – 60.000 бодол эргэлдэж байдаг. Тэдгээрээс эрчүүд 7 сек тутам сексийн тухай боддог гэж үздэг ч бодит байдал дээрээ өөр юм. Kinsey Institute – ийн судалгаагаар эрчүүдийн 54% нь өдөрт нэг удаа боддог болохыг тогтоосон байна.
5. Хамелеон орчноосоо хамаарч өнгөө сольдог
Хамелеоныг дэлхий дээрх хамгийн өвөрмөц содон амьтдын нэгээр нэрлэдэг. Тэднийг орчноосоо хамаарч өнгөө сольдог гэж үздэг ч үнэн хэрэгтээ бол сэтгэл нь хөдөлсөн үедээ өнгөө сольдог юм. Тухайлбал романтик харилцаа тогтоох эсвэл уурласан магадгүй айсан үедээ өөр өөр өнгөтэй болдог.
6. Хүн төрөлхтөн таван л мэдрэхүйтэй
Энэ ойлголтыг худал гэдгийг The Harvard Medical School болон The Discovery Channel – ийн хамт олон үгүйсгэсэн юм. Харах, үнэрлэх, амтлах, хүрэх, сонсох гэсэн үндсэн таван мэдрэхүйгээс гадна өвчнийг мэдрэх, орчныхоо температурыг мэдрэх, өлсөх гээд 14 – 20 гаруй мэдрэхүй бий.
7. Улаан өнгө бухыг хилэгнүүлдэг
Бух өнгө ялгадаггүй. Тиймээс өнгөндөө биш тухайн даавууны нааш цааш намиран хөдлөх хөдөлгөөн нь ихээр хилэгнүүлдэг. Ингэж л Португал болон Испанийн бухтай тулалдах тэмцээн сонирхолтой явагддаг гэнэ.
8. Нас барсан хойно ч үс ба хумс ургадаг
Ийм ойлголт түгээмэл байдаг ч үнэн хэрэгтээ нас барсан хүний үс ба хумс нь ургасан мэт харагддагт гол учир нь оршдог. Өөрөөр хэлбэл цогцост ус дутагдсанаар арьс нь хорчийж хумс ба үс нь ургасан мэт харагддаг.
9. Цагаан хэрэм сансраас харагддаг
Хүний гараар бүтээгдсэн сансраас харагддаг ганц байгууламжийг Хятадын Цагаан хэрэм гэж үздэг. Тэгвэл сансрын нисгэгч Alan Bean – ийн хэлснээр дэлхийн тойрог замаас гарч дэлхийгээс хэдхэн 1000 км гаруй алслагдсан тухайн цэгээс хүний гараар бүтээгдсэн ямар ч байгууламж харагддаггүй.
9. Бид биеийнхээ дулааныг толгойноосоо алддаг
Хуйханд маш олон мэдрэлийн судал байдаг учраас бид толгойноосоо дулаанаа алддаг гэсэн ойлголт байдаг. Магадгүй хуйх болон гавлын ясны хооронд хангалттай өөх мах байдаггүй эсвэл тархинд бие махбодыг дулаахан байлгахад чухал үүрэгтэй бодисын солилцоо явагддаггүй болохоор биеийн дулаанаа толгойноосоо ихээр алддаг гэсэн ойлголт түгээмэл байдаг.
Тэгвэл бодит байдал дээр биеийнхээ 2.54 см.кв хүрэхтэй үгүйтэй дулааныг толгойноосоо алддаг. Харин бүрэн нүцгэлсэн тохилдолд л дулаанаа үлэмж хэмжээтэй алдаж даардаг. Өвлийн улиралд гадаа хүйтэн учраас мөн толгой чинь нүцгэн байгаа учраас бид даарч малгай өмсдөг.
11. Нохой хэлээрээ л хөлсөө гадагшлуулдаг
Дан ганц хэлээрээ ч биш бүхий л биеэрээ гадагшлуулдаг. Science Mag – ийн тэмдэглэснээр нохойн биеийг бүхэлд нь бүрхсэн хөлсний булчирхай байдаг. Мөн савраараа ч гэсэн хөлсөө гадагшлуулдаг ажээ.
12. Дэлхийн хамгийн өндөр уул бол Эверест
Эверест бол далайн төвшнөөс дээш хэмжсэн хэмжилтээр дэлхийн хамгийн өндөр 8848 м уул юм. Хэрвээ далайн гүнээс нь хэмжиж үзвэл Хавайн Mauna Kea нь 10.200 м гэсэн үзүүлэлтээрээ хамгийн өндөр уул болно. Оргил дээр нь маш олон одон орныг судлах станцыг байгуулсан байдаг ажээ.
everyday.mn
