С.Зоригийг хөнөөсөн хэрэгт Э.Бат-Үүлээс гадна Эрдэнэтийн гэх гурван хүнийг яллагдагчаар татжээ

Төр нийгмийн зүтгэлтэн С.Зоригийн амь насыг
хохироосон хэргийн сэжүүр тайлагдах тун дөхлөө. Гэвч улс төрийн зорилготой биш
байгаасай л гэж найдаж, битүүхэн залбирч байна.

 

Прокурорын газраас хэргийн мөрдөн
байцаалтын ажиллагаа ямар шатандаа яваа талаар мэдээлэл хийсэн. Тодруулбал,
УЕП-ын туслах, Дотоод аюулгүй байдлын хэлтсийн дарга Э.Амарбат \”С.Зоригийг
хөнөөсөн хэрэгт Б.Булганаас гадна хэд хэдэн хүнийг сэжигтнээр татаж, саатуулан
шалгаж байгаа. Хэргийг нууцын зэрэглэлтэй шалгаж байгаа учраас илүү мэдээлэл
өгөх боломжгүй. Хэргийн мөрдөн байцаалт ерөнхийдөө дууссан. Удахгүй шүүхэд
шилжинэ” гэсэн юм.

 

Өөрөөр хэлбэл энэ хэрэгт дан ганц
Б.Булганыг шалгаагүй гэдэг нь тодорхой боллоо. Харин нэр хэлэхийг хүсээгүй эх
сурвалж Б.Булганаас гадна Э.Бат-Үүл Орхон аймгийн харьяат Т.Чимгээ, н.Ганхуяг,
н.Содмондаржаа нарын хүмүүс энэ хэрэгт яллагдагчаар татагдсан гэж мэдээллээ. Эрдэнэтийн
гэх харьяалалтай хүмүүс нь талийгаач Ш.Отгонбилэгтэй холбоотой гэх мэдээлэл ч
байна.

 

Эндээс хэргийг нас барсан хүнд тохоод
өнгөрөх вий гэх хардлага ч төрж байна. Гэхдээ тун удахгүй шүүхэд шилжинэ гэдэг
нь тодорхой боллоо. Шүүхийн шийдвэр эцсийнх байдаг. Үүний дараа нууц гэгдэж буй
мэдээлэл ч олон нийтэд ил болох байх аа.

 

 

А.Аюуш

Үндэстэн агентлаг