Цалингаасаа давсан тансаглалтай төрийн албаныхан

Төрийн албаныхан намын
нөлөөгөөр үйл олноороо ажлаас халагдах байдал газар авсаар л байна. Үүнийг хаа
хаана нь хэлж ярьдаг ч гэсэн хэн ч үл тоон нэг тушаалаар ажлаас нь халсаар л
байгаа. Нэг даргын шийдвэр ард түмний сонголтоос, үзэл бодлоос, үг хэлнээс ч
үнэтэй байдаг цаг ирж. Даргыг хянах эрх ард түмэнд алга болж. Энэ бол нэг
төрлийн төрийн иргэдэд үзүүлж байгаа хүчирхийлэл.

Төрийн албаныхан яагаад
400,000-800,000 төгрөгний төлөө маш хариуцлагатай, ачаалал ихтэй \”суудалд”
зүтгэдэг вэ. Учир нь тухайн цалингаас илүү ямар нэгэн их, бага ч болов унацтай
байдаг болохоор тэр биз. Ямар нэгэн худалдан авах ажиллагаа /тендер/, үйл
ажиллагаатай холбоотой зардлаас унацтай байхын тулд тийнхүү шигдэн суудаг байх.
Тиймдээ ч төрийн албаныхан их ганган байдаг биз. Мэдээж төрд ажиллаж байгаа
гээд \”халтайж гүйхгүй” гэсэн бодол байдаг ч үнэндээ яам тамгын газрын хүүхнүүд,
залуучууд дэндүү ганган. Хувийн компанид адилхан цалинтай ажил хийж байгаа
иргэнтэй харицуулахад шуба өмсөж, брэнд гутал \”жийж\”, арьсан цүнхийг хэд хэдээр
нь ээлжлэн барина.

 

 

 

Зан харилцаандаа улс
төрийн соёлгүй мэргэжилтэн, хурган дарга нар яаж өөртөө 3-4 сая төгрөг \”наачихсан”
явж байдаг бол. Түүнийгээ бас хэд хэд солиод өмчихнө. Төрийн алба өөрөө унц
ихтэй байгааг харуулж байна уу. Хэдхэн жилийн өмнө багш нар ажил хаяж талбай дээр
жагсаж байхад бүгд шуба-р ижилссэн байсан. Тэд цалин хангамж бага байна гэсэн
утгатай жагсаж байхдаа биедээ 1,5-3 сая төгрөгийн нөмрөг нөмөрсөн байсан нь
иргэдийн эгдүүг хүргэж байсан.

Одоогийн төрийн албаныхан
яг л ийм байна. Ямар нэгэн татварын байцаагч, хяналт шалгалтынханыг \”авдаг”,
уудаг, иддэг гэдэг яриа сонсогдож л байдаг. Тэглээ гээд дарга ажлаас нь
халахгүй л бол уусаар, идсээр, авсаар л байх болно. Учир нь ард нь даргын хүн
гэсэн найдвартай \”ар тал” бий учраас тэр биз. Иргэд тухайн байцаагчийг хэдэнтэй
гэрчлэн өгөх ёстой газар нь мэдүүлсэн ч ажилласаар л байна. Учир нь иргэд болон
цагдаа нар нийлээд ч нэг хурган даргын гарын үсэгний дайнд хүрэхгүй байгаа
болохоор тэр. Ийм эрх мэдэлтэй байгаа болохоор хурган дарга болох гэж зүтгэхээс
өөр өөр яах билээ. Хэн хүнгүй л шуба өмсмөөр л байна ш дээ.

 

 

Тиймээс ч иргэд их, бага
гэлтгүй төрийн албанд зүтгэхээс өөр яах билээ. Цалингаасаа давсан хэрэглээтэй
амьдрах боломж байна шүү дээ цаана чинь. Үүнийг гэрчлэх ганган залуус төрийн албаны
аль нэг байгууллагаар ороход л гэрчилнэ.

Үндэстэн агентлаг