БШУ-ны Сайд Л.Энх-Амгалан
Хичээлийг нэгэнт нээсэн бол хаахгүй гэсэн байр суурьтай байна. 12-17 насны хүүхдийн вакцинжуулалт 90 гаруй хувь, багш нарынх 98 хувийн үзүүлэлттэй байгаа ба нийт халдвар авсан хүүхдүүдийн хувь хэмжээ хичээл эхлэхээс өмнөх үетэй харьцуулахад өсөөгүй байна. Халдвар авсан хүүхдүүдийн 70 орчим хувь нь гэр бүлийн орчноосоо авсан. Тиймээс цаашид хичээл сургалтын үйл ажиллагаагаа танхимаараа үргэлжлүүлнэ. Хэрэв халдварын тохиолдол буурвал 5/9 зарчмыг бууруулж, танхимын өдрийн тоог нэмнэ.
Улсын хэмжээнд сургууль, цэцэрлэгийн насны хоёр хүүхэд тутмын нэг нь нийслэлд сурч, хүмүүжиж байна. Энэ нь боловсролын салбарын 50 хувь нь нийслэлд байдаг гэсэн үг.
2-3 настнуудаа хэзээ авах вэ гэсэн эцэг эхчүүдийн асуулт их байна. Хүүхдийн томуугийн вакцины үр дүнгээс хамаарч болон халдварын тохиолдол буурсан цагт 2-3 настнуудаа цэцэрлэгтээ авна. Бүтэн хичээлийн жилд авахгүй мэт бодох хэрэггүй.
Үдийн хоолтой болсноор халдвар авах эрсдэлийг дагуулж байна гэсэн саналуудыг үндэслэн судалгаа хийж байна. Хэрэв үүнээс болж халдвар авах магадлалтай гэж үзвэл, байж болох эрсдэлийн тооцооллыг хийж байгаа юм.
Гурван ээлжийн сургуулийн шүүмж, асуудал их байна. Өмнө нь есөн сургууль гурван ээлжтэй байсан бол одоо зургаан сургууль нь хоёр ээлж рүү шилжсэн. Гурван сургуулийн засвар дуусаагүй учир хараахан хоёр ээлжээр хичээллэх боломжгүй байна. Зориулалтын бус байранд нэг ч хүүхэд хичээллэхгүй.
Бид энэ жил анх удаа нэгдүгээр ангийн элсэлтийг цахимаар хийсэн. Олон эцэг эхийн зүгээс гомдолтой хэмээгээд, хуурамчаар гэрлэлтээ бүртгүүлэх, хаягаа шилжүүлэх гэх мэт бүртгэлийн шалгуурыг зохиомлоор хийсэн гэсэн учраас шалгахаар төлөвлөж байна.
Боловсролын лавлах 1800-1001утсаар эцэг эх, багш нараас боловсролын талаар санал, гомдол, шийдэл хүлээн авна.
Авто замын түгжрэлийн 30 хувь нь сургууль, цэцэрлэгийн хүүхдээ зөөхөд үүсдэг гэсэн судалгаа бий. Тиймээс цэцэрлэгт өглөө, орой гэсэн хоёр ээлжээр 65 багшийг ажиллуулж байна. Цаашид үүнийг өргөжүүлэх санхүүгийн боломжийг судалж байна.
Сургуульдаа буцаж ирэх хүүхдүүдэд хичээлийн хоцрогдлоос шалтгаалсан болон багш, эцэг эхийн харилцааны улмаас асуудал үүсдэг. Тиймээс энэ жил сэтгэлзүйчдийг шинээр ажиллуулж байна.
Улсын хэмжээнд сургууль, цэцэрлэгийн насны хоёр хүүхэд тутмын нэг нь нийслэлд сурч, хүмүүжиж байна. Энэ нь боловсролын салбарын 50 хувь нь нийслэлд байдаг гэсэн үг. Тиймээс цэцэрлэг, бага сургуулийн хүртээмжийн асуудалд барих бодлого, төсөв дээр шинэчлэлт хийх зорилго байна. Бид олон жил хүртээмж ярилаа. Боловсролын үнэлгээний чанарын тогтолцоог улс орон даяар эхлүүлэхээр болж байна. Ирэх гурван жилийн зорилт бол цар тахлаас үүссэн хоцрогдлыг арилгах хөтөлбөр юм. Эхний хоёр сард оношилгоог хийж чанарын судалгааг эхлүүлнэ.
Боловсролын лавлах 1800-1001 утсаар эцэг эх, багш нараас боловсролын талаар санал, гомдол, шийдэл хүлээн авна.
Есдүгээр сарын 03-ны байдлаар 100 сургуулийн 1133 бүлэг 29023 хүүхэд зайнаас суралцаж байсан бол есдүгээр сарын 10-ны байдлаар 245 сургуулийн 1592 бүлгийн 43351 сурагч байна.
Эрүүл мэндийн яамнаас өгсөн мэдээллээр есдүгээр сарын 01-ны байдлаар 0-18 насны 21741 хүүхэд өвчилсөн байгаа нь нийт өвчлөгсдийн 19,5 хувийг эзэлж байв. Мөн сарын 12-ны байдлаар 0-18 настай 51843 хүүхэд байгаа нь мөн л 19,5 хувийг эзэлж байгаа нь хичээл сургалтын үйл ажиллагаа эхэлснээр халдвар нэмэгдэх шалтгаан болоогүй гэдгийг БШУЯ-ны Бага дунд боловсролын газрын дарга Т.Ням-Очирмэдээллээ.
2021-2022 оны хичээлийн жилийн зохион байгуулалт, явцын тоон мэдээллийг Нийслэлийн боловсролын газрын дарга Ж.Гантулга хүргэж байна.
Цахим хэлбэрт бүрэн шилжсэн таван сургууль байна. Үүнд, Монгол тэмүүлэл, БХД Хангай Цогцолбор сургууль, 1-р сургууль, 52-р сургууль, 118-р сургуулийн нийт 11703 сурагч багтаж байна. Нийт 218 бүлгийн 13240 сурагчийн сургалт цахим хэлбэрт шилжжээ.
Мөн хичээлийн шинэ жил эхэлснээс хойш халдвар авсан 252 сурагч байгаа бол ойрын хавьтал 6300 орчим сурагч байна. Боловсролын салбарын ажилтнуудын 98,2 нь бүрэн тундаа хамрагдсан байна.
