Б.Батсүрэн: Аяллын турш нэр минь Монгол улс

–Сайн байна уу таньд энэ өдрийн мэнд хүргэе. Та манай уншигчид өөрийгөө танилцуулаач. Таныг хойд туйлд болох нохой чаргатай аядалд өрсөлдөж байгаа гэж сонссон. Өнгөрсөн жилүүдэд цэнхэр үст Цэрэн эгч гээд л сошиал медиагаар нохой чаргатай аялалын тухай нийлээн өргөн яриа өрнөсөн, таны аялал мөн ижил аялал уу?

-Сайн, сайн байна уу? Та бүхэнд бас энэ өдрийн мэнд хүргье. Намайг Батаагийн Батсүрэн гэдэг. Ховд аймгийн Ховд хотод төрсөн. 2005 онд арван жилээ Улаанбаатарын 96-р сургуулийг төгсөөд, Америк улсруу 17 насандаа их сургуульд сурах зорилго өвөртлөн явсан юм. Нэг л мэдэхэд тэнд 11 жил болжээ. Зорьсон зорилгоо биелүүлэхийн хажуугаар тодорхой хэмжээний давхар дадлага туршлага хуримтлуулаад эх орондоо ирсэн.  Тиймээ, миний энэ өрсөлдөж буй Хойд туйл руу явах тэмцээн нь Цэрэн эгчийн явсан аялалтай яг адилхан.

–Энэхүү аялалд хичнээн орны тамирчид өрсөлдөж байгаа вэ?  Тэмцээнд оролцоход ямар нэгэн шалгаруулалт байсан уу? Энэхүү нохой чаргатай аялалынхаа тухай илүү тайлбарлаж өгөхгүй юу? Яагаад заавал нохойгоор, яагаад заавал өрсөлдүүлж, орон орноос төлөөлөл сонгодог нь уншигчдад сонин байх болов уу?

-Энэхүү аялалд дэлхийн ямарч орноос өрсөлдөх боломжтой бөгөөд нэр тусгагдсан 12 улс байгаа. Тухайн 12 улсад дурдагдаагүй бусад улс нь БУСАД орнууд гэсэн хэсгээс өрсөлдөж байгаа юм. Монгол улсаас өрсөлдөж буй өрсөлдөгч нар нь Бусад орнууд гэдэг хэсгээс өрсөлдөх юм. Тиймээс өрсөлдөөн маш их. Шалгаруулалтын хувьд 18 аас дээш насны хүмүүс өрсөлдөх боломжтой бөгөөд нарийн заасан шалгуур байхгүй юм. Мэдээж оролцож байх үед дагах ёстой хууль дүрэм гэж байгаа. Энэхүү тэмцээн нь Fjallraven гээд европийн алдарт брэндээс зохион байгуулж байгаа тэмцээн. Fjallraven ний анхдагч Аке Нордин гээд хүний санаачлагаар энэхүү тэмцээн нь эхэлсэн бөгөөд эгэл жирийн хүмүүст ийм гайхалтай аялалаар явах нөхцөл бололцоог гаргаж өгч байгаа юм. Хойд туйлд буюу Скандинавын Арктикт энэ аялал явагдах бөгөөд нохойтой чаргаар туулах нь хамгийн тохиромжтой бөгөөд хамгийн гол зорилго нь хүйтэн, цастай эрс тэс нөхцөлийг мэргэжлийн хүмүүсийн удирдлага доор суралцан давах юмаа. 

–Өмнө нь манай улсаас Э.Цэрэн эгч оролцоод ирсэн. Харин энэ удаа та өрсөлдөж байна. Та Цэрэн эгчтэй уулзав уу? Таньд ямар нэг зөвөлгөө өгсөн болов уу?

-Энэ тэмцээнд улс болгоноос нэг л хүн өрсөлдөнө гэсэн зүйл байхгүй бөгөөд надаас өөр ч өрсөлдөж буй Монгол хүн байгаа. Америк улсаас ч өрсөлдөж буй Монгол эмэгтэй байгаа. Цэрэн эгчтэй би уулзаагүй. Цэрэн эгчид би гэхдээ хувиасаа маш их баярладаг. Ийм гайхалтай аялал, уралдаан байдаг гэдгийг Монголчууд бидэнд мэдүүлэхээс гадна эх орноо төлөөлөн амжилттай оролцож чадсан шүү дээ.

–Хойд туйл мэдээж хүйтэн. Энэ хүнд нөхцөлд чаргаар аялана гэдэг бэрх шүү дээ, ийм байхад яагаад энэ аялалыг сонгов? Бэлтгэлээ хэрхэн базаав?

-Мэдээж энэ бол тийм амар аялал байхгүй нь тодорхой. Би иймэрхүү төрлийн аялал болон өөрийгөө сорьсон зүйлд илүү сонирхолтой. Өөрийгөө даван дийлэх гэдэг гайхалтай зүйл шүүдээ. Бэлтгэл сайн хангасан. 

–Нохойн чаргаар хичээллээд хэдэн жил болж байна вэ таньд дасгалжуулагч байдаг уу өөрийн гаргаж байсан амжилтаас дурьдаач

-Fjallraven Polar гээд энэ аялал нь хэдий нохойн чаргаар явах боловч мэргэжлийн хүмүүсийн хооронд болдог уралдаан биш юм. Тийм болохоор заавал нохойн чаргаар хичээллэдэг байх албагүй юм. Би өөрөө сагсан бөмбөг болон ууланд аялах дуртай.

Үргэлжлэлийг эндээс уншина уу