асгийн газрын ээлжит хуралдаанаас гаргасан шийдвэрийн талаар Эрчим хүчний сайд Н.Тавинбэх танилцууллаа.
Тэрээр “Айл өрх, албан байгууллагын цахилгаан, дулааны, хогны төлбөрт Засгийн газраас 890 тэрбум төгрөг зарцуулаад байна. Энэ хөнгөлөлт өнөөдрөөр дуусгавар болж байна. Тиймээс Засгийн газрын өнөөдрийн хуралдаанаар айл өрхийн цахилгааны хэрэглээг нэгдүгээр сарын 1-ээс тавдугаар сарын 31-н хүртэл үргэлжлүүлэн төр төлөхөөр боллоо. Эрчим хүчний салбар дээр багагүй ачаалал үүсч байгаа учраас хэрэглээний дээд хязгаарыг зааж өгч байгаа. Гэр хороололд амьдардаг айл өрх сард 350, орон сууцны айл өрх 250 кВт хүртэл хэрэглэсэн цахилгаан эрчим хүчний төлбөрийг Засгийн газар төлнө” гэлээ.
-Сарын төлбөрийн илүү гарсан төлбөрийг иргэн өөрөө төлөх үү?
-Орон сууцны айл 250, гэр хорооллын айл өрх 350 кВт гэдгийг тогтоохдоо айл өрхийн дундаж хэрэглээг гаргасан. Нийт хэрэглэгчдийн 73 хувь нь төрөөс бүрэн хариуцуулах боломжтой дүн байгаа. Заасан хэмжээнээс их хэмжээний цахилгаан хэрэглэвэл хэрэглэгч өөрөө төлнө.
-Хэдий хэмжээний санхүүжилт гаргаж байгаа вэ?
-Зургаан сарын хугацаанд 73 тэрбум төгрөгийн санхүүжилт шаардлагатай байгаа. Үүнийг уул уурхайн томоохон төсөл хөтөлбөрүүд хариуцахаар болсон.
