Айл өрхүүд энэ сарын нэгнээс ус, дулаан, хогны мөнгөө төлж эхэлнэ. Коронавирусийн цар тахлын үед өрхийн амжиргааг дэмжих үүднээс 2021 оны арванхоёдугаар сарын 31-нийг хүртэл төрөөс ус, дулаан, хог болон цахилгааний төлбөрийг “тэглэсэн”.
Тэгвэл Засгийн газрын өнгөрсөн баасан гарагийн хуралдаанаар энэ оны зургаадугаар сарын нэгний өдрийг хүртэл зөвхөн цахилгааны төлбөрийг айл өрхүүд тодорхой зохицуулалттайгаар төлөхөөр шийдвэрлэсэн.
Тодруулбал гэр хорооллын айл өрх сарын 250 мВт, орон сууцны айл өрхийн 350 мВт хүртэлх цахилгааны төлбөрийг төлөх юм.
Үүнд зарцуулах хөрөнгийг нийгмийн хариуцлагын хүрээнд уул уурхайн төслүүдээс санхүүжүүлэх аж. Гэхдээ айл өрхүүд тогтоосон хязгаараас илүү цахилгаан хэрэглэсэн тохиолдолд зөрүүг нь өөрсдөө хариуцахаар зохицуулжээ.
