Дэлхийн эрүүл мэндийн ассамблейн 1988 онд болсон 32 дугаар чуулганаас тамхины хэрэглээ болон тамхины утаанаас үүдсэн хор хөнөөл, байгаль орчин, эдийн засагт үзүүлэх хор хөнөөл, гамшгаас хойч үеийнхнийг хамгаалах зорилгоор тавдугаар сарын 31-ний өдрийг “Тамхины эсрэг дэлхийн өдөр” болгон зарласан бөгөөд жил бүр тодорхой уриан дор олон улсын арга хэмжээ зохион байгуулагддаг.
Салбар хуралдаанд Монголын парламентыг төлөөлж Улсын Их Хурлын гишүүн, Нийгмийн бодлогын байнгын хорооны дарга М.Оюунчимэг оролцож, дараах мэдээллийг хүргэлээ. Тамхины дагуул хоруу чанарыг бид төдийлөн ярьдаггүй.
Тамхидалтаас шалтгаалж найман сая хүн жилд нас бардаг. Үүнээс 1.2 сая хүн тамхи огт татдаггүй гэсэн тоон мэдээлэл байгаа нь дам тамхидалтын хор нөлөөг илтгэж байгаа аж.
Манай улс Тамхины хяналтын тухай хуулийн хэрэгжилтийг хангах, электрон тамхийг утаат тамхины нэгэн адил хуульчлах, онцгой албан татварыг нэмэгдүүлэх, тамхины хүний биед болон байгаль орчинд үзүүлэх сөрөг нөлөөллийг таниулах, тамхидалтаас урьдчилан сэргийлэх нөлөөллийн ажлыг идэвхжүүлэх зайлшгүй шаардлагатай гэдгийг онцлон тэмдэглэв.
