Дэлхийн эдийн засгийн чуулганаас танилцуулсан 2021 оны Аялал, жуулчлалын хөгжлийн индексэд Монгол Улс 117 орноос 84 дүгээрт бичигдсэн байна.
Аялал, жуулчлалын хөгжлийн индексийг тооцоолоход дэд бүтэц, үнийн өрсөлдөх чадвар, хүний нөөцийн боломж, эрүүл мэнд, ариун цэврийн орчин нөхцөл аюулгүй байдал, аялал жуулчлалын салбарын бодлого зэрэг хүчин зүйлүүдийг харгалзсан байна.
2019 оноос 2021 оны хооронд Монгол Улс, Малайз, БНЭУ энэ үзүүлэлтээр хамгийн олон байр ухарсан улсын нэг болжээ.
2021 оны Монгол Улсын аялал, жуулчлалын хөгжлийн индексийг 2019 оны үетэй харьцуулбал найман байраар ухарсан байна. Харин Вьетнам улсын аялал, жуулчлалын хөгжлийн оноо 4.7 хувиар өсөж, найман байр урагшилжээ. Энэ нь хамгийн олон байр ахисан үзүүлэлт болж байна.
