УИХ-ын гишүүн Ц.Мөнх-Оргил Хувьсаж буй боловсрол дээд хэмжээний чуулга уулзалтад оролцож байна. Боловсролын салбар хэрхэн хувьсан өөрчлөгдөж байгаа талаар тэрбээр байр сууриа илэрхийлэв. Тэрбээр хэлэхдээ:
Дээд хэмжээний уулзалтаар дэлхийн улс орнууд ковидоос өмнө боловсролын салбар гүн хямралд орсон байсан гэж үзэж байна. Учир нь асар хурдтай технологи, нийгэм, улс төр, байгаль орчны өөрчлөлтийг дагаад хүний оюун ухаан, мэдээлэл, даяаршил хурдассан. Энэ их өөрчлөлтийг боловсролын салбар гүйцэж алхаж чадаагүй. Иймд өнөөдөр хувьсан өөрчлөгдөж буй боловсролын талаар дэлхийн улс орнууд хэлэлцэж байна.
Боловсрол гэдэг бол хүүхдэд мэдлэг өгөөд түүнийгээ шалгадаг зүйл биш болсон байна. Дэлхий даяар боловсролыг ингэж олгож байгаагаа өөрчилж, хүн юмыг яаж сурах уу гэдгийг нь зааж өгдөг, насан туршдаа боловсрол эзэмшиж, өөрийгөө өөрчилж, шинэ ур чадварт суралцах уу гэдгийг нэгдүгээрт тавьж байна.
Эх сурвалж: БШУЯ
