“Тэрбум мод” хөдөлгөөний хүрээнд 5 сая заг модыг говьд тарихаар Монгол Францын хамтарсан уран олборлолтиын “Бадрах-Энержи” компани амласан байна.
Гэхдээ тус компани нөхөн сэргээлтийн мод тариалалтаа 2014 оноос эхлүүлж одоогийн байдлаар 11 мянга гаруй мод, ургамал тариад байна. 2020 онд нийт 5 мянган мод тарихаар төлөвлөснөөс хаврын тариалалтад 2 мянга, намар 3 мянгыг, энэ онд 5000-ыг тарьж нийт 10000 заг мод тариалсан 9.5 га-д талбайд 5-6 хүн тогтмол ажиллуулан говийн нөхцөлд ургах заг, хайлаас, хотир, харгана, тоорой, сухай зэрэг мод, ургамлыг тарьжээ.
Тарьсан модных нь 99 хувь амжилттай ургасан байна Мод тарих ажлыг олборлолтын үндсэн орд Зөөвч-Овоогоос гадна Дулаан-Уул ордод хийж Өмнөговь аймгаас загийн бэлэн 1000 гаруй үрсэлгээ авчран суулгасан байна. Харин ирэх жилээс өөрсдөө загийг үрээр болон мөчрөөр тариалж эхлэн үрсэлгээгээ гаргана.
Говийн бүсэд уул уурхайн компаниуд мод, ургамлыг нөхөн сэргээлтийн хүрээнд дүйцүүлэн хамгаалах буюу ашигласан газраа тарьж байна. Загийг хүлэмжинд бортгонд тариалж байгаа нь улирал харгалзахгүйгээр, хугацаа шаардахгүйгээр ургуулах нөхцлийг бүрдүүлж байна.
Заг нь Монголын говийн үндсэн, унаган үлдмэл ургамал. Заг цөлжилтийг сааруулдаг, усаа барихаас гадна үндэс нь газар доогуур хавж ургадаг, манхан, элсэн товцгийг бий болгож үрээ авч үлддэг онцлогтой ургамал юм байна.
