Ерөнхийлөгч нэр дэвшигчээс хэнийг нь дэмжих бол

Ардчилсан намын гишүүдийн шинэчилсэн
бүртгэл нэгдүгээр сарын 06-ны өдрийн 23:55 цагт дууслаа. Энэ үеэр нийт 175
мянган хүн шинэчилсэн бүртгэлдээ хамрагдсан тухай АН-ын Ерөнхий нарийн бичгийн
даргын үүрэг гүйцэтгэгч Л.Эрхэмбаяр мэдэгдсэн билээ.

 

 

Намын даргын сонгууль болоход 19 хоногийн
хугацаа үлдээд байна. Нэр дэвшигчид хамтдаа орон нутагт ажиллаж, мөрийн
хөтөлбөрөө танилцуулж байгаа. 19 хоногийн хугацаа үлдээд байна. Нэр дэвшигчид
хамтдаа орон нутагт ажиллаж, мөрийн хөтөлбөрөө танилцуулж байгаа.

 

Тэгвэл таван нэр дэвшигчээс Монгол Улсын
Ерөнхийлөгч Ц.Элбэгдорж хэнийг нь дэмжиж ажиллах вэ гэдэг сонирхолтой асуулт
сүүлийн үед гарч ирээд байна. Нэр дэвшигчид Ц.Элбэгдоржтой хэрхэн хамтарч ажиллаж байв.

1. Н.Алтанхуяг

-2009, 2013 оны ерөнхийлөгчийн сонгуулийг нь удирдаж ялуулсан.

– Ц.Элбэгдоржийн
ЗГ-ын үед сангийн сайдаар нь ажилласан.

– Ц.Элбэгдорж
АН-ын даргын тамгаа Н.Алтанхуягт өвлүүлсэн.

2. С.Эрдэнэ

-С.Эрдэнийг МОАХ-ын дарга байхад Ц.Элбэгдорж
ерөнхий сайд байсан.

– Ц.Элбэгдоржийг
намын дарга байхад С.Эрдэнэ хотын намын дарга байсан.

– Ц.Элбэгдоржийг
Ерөнхий сайд байхад Эрдэнэ Нийгмийн даалтгалын ерөнхий газрын дарга байсан.

3. Д.Эрдэнэбат

-2009,2013 оны ерөнхийлөгчийн сонгуулийн менежер,намын ерөнхий нарийн бичгийн
дарга

-2004,2008 оны Ц.Элбэгдоржийн удирдсан
УИХ-ын сонгуулийн төв штабыг өөрийн Залуучууд зочид буудалдаа байрлуулсан.

-1996 онд АН-д гишүүнээр элссэнээс хойш Ц.Элбэгдоржтой
хамтран ажиллаж байгаа.

4. Лу.Гантөмөр

– Ц.Элбэгдоржийг
намын дарга байхад Ардчилсан Залуучууд холбооны дарга байсан.

-2004 онд УИХ болоход нь Ц.Элбэгдорж
сонгуулийг удирдсан.

5. Ж.Батзандан

– Ц.Элбэгдоржийг
намын дарга байхад шоронгоос өршөөл ирж, АН-д элсэж улс төрийн хамгаалалтанд
орсон.

Энэ бичил танилцуулгаас харахад
Н.Алтанхуягт боломж их юм шиг. Гэвч мөр зэрэгцэн нөхөрлөж явсан үе бий ч, одоо
тэдний хооронд ан цав үүсчихээд байгаа. Тухайлбал, Н.Алтанхуяг \”АН, МАН нийлсэн
бүлэглэл бий. Энэ бүлэглэлийг Ц.Элбэгдорж удирддаг. Тиймээс улс төрийн
бүлэглэлийн эсрэг АН-ын даргад нэр дэвшиж байгаа” гэж мэдэгдсэн. Тэгэхээр өөрийнх
нь эсрэг зорилготой үйл ажиллагааг Ц.Элбэгдорж дэмжих нь юу л бол.

 

Харин С.Эрдэнэ, Д.Эрдэнэбат нар бол
З.Энхболдын талын хүмүүс. Өөрөөр хэлбэл Ц.Элбэгдоржтой үзэл санаа нийлэхгүй гэж
ойлгож болох нь.

 

Харин намын шинэ гишүүн, хааяа даа
Ерөнхийлөгчид хандсан тэрс үг шидчихдэг Ж.Батзанданг дэмжихгүй л байх гэж
бодогдож байна. Тэгэхээр ганц л сонголт буюу Л.Гантөмөр л үлдлээ. Тэрээр Ерөнхийлөгчийн
бодлого шийдвэрийг дэмждэг, мөн АН-ын залуу лидерүүдийн нэг.

 

Э.Бат-Үүл, Баабар нарын хууччууд залуу үеэ
дэмжье хэмээн уриалга дэвшүүлээд байгаа. Ц.Элбэгдорж нэг үе мөр зэрэгцэж явсан
анд нартайгаа санал нэг байж ч болох л юм.