УИХ-ын гишүүн, Эдийн засаг, хөгжлийн сайд Ч.Хүрэлбаатар нарын 2023 оны зургаадугаар сарын 23-нд УИХ-д өргөн мэдүүлсэн “Газрын тухай хуульд нэмэлт оруулах тухай” хуулийн төсөлтэй холбоотойгоор АН-ын төлөөлөл болон иргэд ҮХЦ-д хандлаа.
Энэ бол Хөрөнгө оруулалтын хууль биш харин Монгол Улсын газар нутгийг гадаадынханд өгч буй колоничлолын хууль. Бидний авсан мэдээллээр Ч Хүрэлбаатар намрын чуулганаар дээрх хуулийн төслийг дахин өргөн барихаар төлөвлөж байгаа. Энэ эхний бөгөөд эцсийн оролдлого биш. Энэ асуудалтай холбогдуулан Ч.Хүрэлбаатар сайдад хариуцлага тооцох ёстой. Ч.Хүрэлбаатар албан тушаалаасаа огцроод зогсохгүй, хуулийн хариуцлага хүлээх ёстой. Монгол Улсын эдийн засгийг сүйрүүлэх, монгол хүнийг эх орондоо хэн ч биш болгох хуулийн төсөл УИХ-аар дахин босго давах ёсгүй. Ч.Хүрэлбаатар шөнийн цагаар хятад иргэдтэй ууж идсэнээ хөрөнгө оруулагч нартай уулзалт хийж байсан гэж хэлсэн. Дээрх хуулийн төслийг өргөн барихад хятадууд нөлөөлсөн, захиалгатай гэж үзэх үндэслэл байна. Учир нь тус хоёр үйл явдал цөөн хоногийн зайтай болсон. Иймээс бид дүгнэлт гаргуулахаар Үндсэн хуулийн цэцэд мэдээлэл гаргаж байна” гэж байр сууриа илэрхийлэв.
Харин арга хэмжээнд оролцож буй иргэн “Сүүлийн үед Ч.Хүрэлбаатар гэх хүний нэр маш ихээр цуурайтах болсон. Гэхдээ сайнаар биш маш муугаар. Хотгор шанагын уурхай, сонгуулийн үеэрх царцааны нүүдэл зэрэг асуудалд нэр холбогдсон тэрбээр саяхан Монгол Улсын газар нутгийг 100 жилээр гадныханд өгөх хуулийн төслийг санаачилжээ. Монголын ард түмэн, газар шороо, уул ус, ан амьтан бүгд Ч.Хүрэлбаатараас айж байна.
Биднийг газар шороо, ард түмэнтэй хамт гадныханд өгөх бий гэсэн айдас төрж байна. Тийм учраас энэ хуулийн төслийг эсэргүүцэж байна” гэв.
