Хос эрхтэнтэй модель бүсгүй хүүхэдтэй болохыг хүсчээ

Бельги улсын 29 настай модель Ханне Геби Одель хүүхэд гаргахыг хүсчээ. Тэрээр дэлхий дээрх бэлгийн цөөнх болох хосолмол эрхтэнтэй төрсөн хүмүүсийн нэг юм. Тэрээр эр, эм аль аль бэлэг эрхтэнтэй төрсөн бөгөөд 10 настайд нь хорт хавдар үүсэх магадлалтай хэмээн эр бэлэг эрхтэнийг нь авсан аж. Түүнд энэ мэс заслын дараа хүүхэдтэй болох боломжгүй гэдгийг эмч нар сануулж байсан ба эмэгтэй хүний хувьд байх ёстой сарын тэмдэг ирдэггүй гэнэ. Гэхдээ 18 настай тэрээр эм бэлэг эрхтэндээ мэс засал хийлгэсэн байна. Ингэснээр эмэгтэй даавар нь илүү хөгжиж эмэгтэйлэг байдал нь давамгайлсан гэж тэрээр хэлсэн юм. \”Бусад хүмүүст хэлэхэд хосолмол эрхтэнтэй хүүхэд төрүүлсэн бол тэдэнд \”шаардлагагүй эрхтэн тайрах\” мэс заслыг битгий хийлгээрэй. Магадгүй түүний ирээдүйд ямар өөрчлөлт гарахыг та мэдэхгүй шүү дээ. Хосолмол эрхтэнтэй байна гэдэг нь тийм ч ичмээр зүйл биш. Зүгээр үнэнч шудрагаар байж чадвал сэтгэл санааны хямралд өртөхгүй байж чадна\” гэсэн юм. Түүний нөхөр Жон Швиатек ч бас модель бөгөөд Ханни тэр хоёр удахгүй хүүхэдтэй болохоор төлөвлөж байгаа аж. \”Хэдийгээр Ханни жирэмслэх боломжгүй хэдий ч хүүхэдтэй болох маш олон арга бий. Ханни бид хоёр дэлхий дээр байгаа хосолмол эрхтэнтэй хүүхдүүдэд туслахыг маш их хүсдэг. Тэдэнд бие болон сэтгэл санааны хувьд хэцүү байдгийг ойлгодог учраас. \” гэсэн бөгөөд тэдгээр хүүхдүүдэд зориулсан сурталчилгааг хийж байгаа юм байна.