Улс орнуудад хамгийн сайханд тооцогддог гаж төрхүүд

Улс орон бүр өөр өөрийн гоо үзэсгэлэнг үнэлэх үнэлэмжтэй байдаг. Ялангуяа эртний уламжлалаа хадгалж үлдсэн овог аймгууд гаж гэмээр зүйлсийг гоо үзэсгэлэнгийн шалгуур болгосон байдаг нь нууц биш. Тиймээс бид дэлхийн хамгийн хачирхалтай хэрнээ тус овог аймаг, улсдаа хөөрхөнд тооцогддог гаж зүйлсийг та бүхэнд сонирхуулахаар шийдлээ. 

1. Хайш яйш ургасан шүдний буруу ургалт /Япон/

Европын орнуудад тэгш хэлбэртэй цагаан шүдийг сайханд тооцдог. Үүний тулд ихээхэн мөнгө зарж бидний хэлж заншсанаар \”Холливууд инээмсэглэл\” буюу шүдийг цагаан тэгш байлгах ажилбарыг хийлгэдэг. Гэтэл Японд үүний эсрэгээр муруйж сарийсан буруу хөгжилтэй шүдтэй бүсгүйчүүд сайханд тооцогддог байна. Энэ нь сүүлийн үеийн залуусын дунд моод болж байгаа гэж хэлж болно. Ийм шүдтэй болохын тулд залуу охид бүсгүйчүүд шүдний эмч дээр дугаарладаг гэнэ. 

2. Товойж гаргаж хийсэн шивээс /Баруун Африк, Папау шинэ Гвине/

Африкийн зарим улс орон болон Шинэ Гвинед биендээ сорвитой хүмүүс сайханд тооцогддог аж. Эрчүүд нь ан хийх, ажил хийх үедээ авсан шарх сорвиороо өөрийгөө чимдэг бол эмэгтэйчүүд биен дээрээ товруутай шивээс хийлгэж гангардаг байна. Сүүлийн үед энэхүү шивээс нь хүн ам ихтэй өндөр хөгжилтэй орнуудад нилээд тархаад байгаа бөгөөд залуус ч үүнийг ихээр сонирхож байгаа гэнэ.

3. Зүрхэн хэлбэртэй нүүр /Өмнөд Солонгос/

Өмнөд Солонгост гоо сайхны мэс засал нь өргөн тархсан. Эрэгтэй, эмэгтэй гэлтгүй бүгд л өөрийн дүр төрхийг өөрчлөх гэж шуурч байгаа. Харин энэ улсад зүрхэн хэлбэртэй нүүр ид моодонд орж байгаа гэнэ. Зүрхэн хэлбэртэй гэдэг нь урт том нүд, жижиг шанаа, богино эрүүг хэлж байгаа юм. Ийм нүүртэй болохын тулд эрүүгээ багасгах шаардлагатай бөгөөд ингэснээр дор хаяж 3 сар шингэн хоолоор хооллох хэрэгтэй болдог байна. Магадгүй энэ нь гаж нөлөөтэй ч залуусын хувьд тийм ч асуудалгүй мэт санагдаж байгаа бололтой. 

4. Илүүдэл жинтэй эмэгтэй /Мауританиа/

Моориш эмэгтэйчүүдийн хувьд эрчүүдийн анхаарлыг татахын тул заавал тарган байх шаардлагатай. Эцэг эхчүүд нь охидоо нас биенд хүрэхэд нь бүтэн фирм бэлэгдэг гэнэ. Энгийн хүн өдөрт 1500 ккал хоол идэх ёстой байдаг бол эндхийн бүсгүйчүүд өдөрт 16 мянган ккал хоол иддэг аж. Тиймээс ч хөгшрөх тусам ходоодны өвчтэй болдог байна

5. Мэс заслын боолт /Иран/

Иранд хамрын мэс засал хийлгэсэн хүн гоё сайханд тооцогддог гэнэ. Сонин байгаа биз. Тэдний хувьд хамрандаа мэс засал хийлгэхнь бараг л нэр төрийн баталгаа гэсэн үг. Тиймээс зарим хүмүүс хамрандаа мэс заслын боолт зүүж явдаг байна. 

6. Цав цагаан арьс /Хятад, Тайланд/

Азийн олон улс оронд цагаан царай бол гоо сайхны нэг стандарт хэмжигдэхүүн байдаг. Гэтэл Европт эсрэгээрээ. Гэтэл үүнийг хэт дэгэсдүүлж үздэг орон бол Хятад ялангуяа Тайланд улс юм. Тэд далайн эрэгт очихдоо ч нүүрэндээ баг зүүдэг байна. 

7. Өргөн дух /Үндсэрхэг Флуней/

Африкийн нэгэн хот болох Флунейд өргөн дух хамгийн үзэсгэлэнтэйд тооцогдоно. Тэнд өргөн духтай харагдахын тулд үсээ дээрээ боодог аж. Энэ дундад зууны үед Европт дэлгэрч байсан загвар.

8. Урт хүзүү /Бурма/

Бидний сайн мэдэх нэг зүйл бол Бурма мужид анаашин хүзүүтэй бүсгүйчүүд сайхан харагддаг. Тэд жил бүр хүзүүндээ цагираг нэмэн урт болгодог. Тэдний заншилаар бол энэ нь бүсгүйчүүдийг барын дайралтаас хамгаалдаг гэж үздэг байна. Гэхдээ одоо цагт энэ нь биед үнэхээр муу бөгөөд хүзүү нурууны өвчлөл үүсгэх магадлалтай аюултай заншил гэж үздэг.

9. Сэтэрхий ам / Африк/

Этиоп улсад Сэтэрхий урууландаа таваг хийх нь гоо үзэсгэлэнгийн хэмжүүр болдог. Эмэгтэйчүүд өөрсдийн байр сууриа эзлэхийн тулд хуримынхаа өмнө төлөөсөө төлдөг. Мөн эмэгтэйчүүдийн уруулаар дамжин муу ёр нэвтэрч байдаг гэж тус омгийнхон үзэж ийм заншилыг бий болгожээ.

10. Нийлмэл хөмсөг /Тажикистан/

Тажикистаны зарим хэсэгт эмэгтэйчүүдийн хөмсөг, хамар гоо сайхны хэмжүүр болдог. Төрөлхийн гоо үзэсгэлэнтэй бүсгүй бол хөмсөг нь хоорондоо нийлсэн байх ёстой. Хөмсөг нийлсэн байх нь тухайн бүсгүйг азтай одтой явахыг бэлэгддэг гэж үздэг байна. 

 

Эдгээр гаж ч гэмээр, хачирхалтай ч гэмээр уламжлалууд нь өдийг хүртэл хэрэгжиж байгаа бөгөөд эмэгтэйчүүд тухайн ёс заншлаа даган эдгээр уламжлалуудыг хэрэгжүүлсээр байна.