Хоёр давхар ногоон автобусны талаар НЗДТГ-ын Хэвлэл мэдээлэл, олон нийттэй харилцах хэлтсээс тайлбар хүргэлээ.
Тодруулбал энэхүү ногоон автобус анх туршилтаар ирэхдээ хоёр тэнхлэгтэй байсан ч нэг тэнхлэгтэй болсон асуудлаар дараах мэдээллийг өгөв.
Энэ талаар “Худалдан авах гэрээнд нэг тэнхлэгтэй 10.5 метр урт 10 ширхэг цахилгаан автобус гэж заажээ. Иймд гэрээнд зөрчилгүй гэсэн үг. Гэхдээ гэрээ байгуулахаас өмнө туршилтаар явуулсан хоёр автобус нь 12 метр урттай, хоёр тэнхлэгтэй байсан.
Яагаад нэг тэнхлэгтэй, 10.5 метр болгож өөрчилж гэрээнд тусгасан гэдгийг тэр үед ажил хариуцсан хүмүүс тодорхой мэднэ. Цаасан дээр үлдсэн баримтад ингэж тусгасан байна” гэлээ.
