Дэлхий дээрх хамгийн ашиг тустай хүнс

 

Дэлхий дээрх хамгийн ашиг
тустай хүнсний жагсаалтад мэдээж төрөл бүрийн хүнсний ногоо, жимс жимсгэнэ гэх
мэт зүйлс багтсан байдаг. Тэгвэл тэр дундаас хамгийн хамгийн хамггийн хүнсээр
шалгарсан бүтээгдэхүүнүүдийг уншигчид та бүхэндээ хүргэж байна.

Хамгийн шим
тэжээлт самар

 

Самрыг хамгийн ашиг тустай
хүнсний тоонд ордог гэдгийг хүн болгон мэдэх байх. Тэгвэл самрын төрөл дундаас
хамгийн ашиг тустай самраар хушга тодорсон байна.Хушга нь эрт дээр үеэс мах,
масло зэрэгтэй дүйцхүйц шим тэжээлтэй гэдгээрээ алдартай байсан бол жүржийн
төрлийн жимснээс тавь дахин их амин дэмтэй гэдгийг эрдэмтэд нотолжээ. Мөн
хушгыг өдөрт 5-7 ширхэгээс багагүйг хэрэглэвэл ой тогтоолтыг сайжруулдаг байна.
Тийм ч учраас зарим улсад хушгыг \”ухаантай самар” хэмээн нэрлэдэг ажээ.

Хамгийн ашиг
тустай жимс

 

Хамгийн ашиг тустай жимс бол
алим тодорчээ. Алим нь ислэг чанар болон пектины агууламж ихтэйгээс гадна эрдэс
бодис, амин дэмээр баялаг юм. Мөн алим нь хоолны дэглэм барихад гайхалтай сайн
зохицдог нь бага илчлэг , усны өндөр агууламжны ач тус ажээ. 

Хамгийн ашиг
тустай загас

 

Загас эрдэс бодис, амин дэм
болон омега-3, омега-6 гэх ханаагүй тосны хүчил агуулдагаараа алдартай.Загасанд
нүүрс ус, өөх тос, илчгэгийн хэмжээ нь бидний өдөр тутам хэрэглэдэг махыг
бодход харьцангуй бага байдаг. Тиймээс ч зүрхний эмч нар загасыг долоо хоногт
дор хаяж хоёр удаа хэрэглэж байхыг зөвлөдөг ажээ.

Загасыг голын далайн гэж
ангилагддаг. Тэгвэл хамгийн их ашиг тустай загас нь далайн загас байдаг байна.
Далайн загас нь ханаагүй тосны хүчил, амин хүчил, эрдэс бодис амин дэмийн
агууламжаараа голын загаснаас илүү байдаг ба өдөр болгон 100 грамм далайн
загас хэрэглэхэд зүрх судасны үйл
ажиллагааг сайжруулдаг гэдгийг эрдэмтэдд нотолжээ. Хамгийн гол нь далайн
загасыг дахин дахин хөлдөөхгүй байх хэрэгтэй. Учир нь хөлдөлтөөс болоод доторх
шимт бодисууд нь алдагддаг байна. Хүний биед хамгийн ашиг тустай загас нь
\”яргай загас” юм.

Хамгийн ашиг тустай будаа

 

Будаа болгон өөр өөр эрдэс
бодисын агууламжтай ч бүгд л гэдэс дотрыг цэвэрлэж, үйл ажиллагааг нь
сайжруулдаг. Ер нь будааны төрлийн хүнс хэрэглэх нь хүний хорт хавдар тусах
эрсэдлийг бууруулж өгдөг гэдгийг эрдэмтэд нотолжээ. Тэгвэл будааны төрөл
дундаас хамгийн ашиг тустайгаар гурвалжин будаа тодорчээ. Тиймдээ ч гурвалжин
будаа нь хүний биед хэрэгцээт шим тэжээлээрээ хүнсний бүтээгдэхүүнүүд дундаас
үргэлж нэгдүгээрт жагсдаг байна.

 Үндэстэн агентлаг