Би ч бас “Эрдэнэт” үйлдвэрийг барьцаалж зээл авмаар байна

 

\”Жаст”-ийн Ш.Батхүү хуурамч бичиг баримт бүрдүүлж, \”Эрдэнэт” үйлдвэрийг
барьцаалж, Өмнөд Африкийн \”Стандарт” банкнаас 140 сая ам.доллар зээлсэн байдаг.
Гэвч зээлийн эргэн төлөлт хийгээгүй учраас 2013 онд\”Стандарт” банкнаас Монгол
Улсын Засгийн газарт хаягласан нэхэмжлэл ирсэн юм.

Ингэж л Ш.Батхүүгийн холбогдсон төрийн өмчийг барьцаалж хуурамч бичиг
баримт бүрдүүлсэн. Зээл авсан. Авсан зээлээ хугацаанд нь төлж барагдуулаагүй
гэх хэрэг мандаж эхэлсэн байдаг.

Гэвч Ш.Батхүү төлбөрийн чадамжгүй гэж мэдэгдээд \”аавынд” очоод суучихсан.
Энэ хооронд нь Монгол Улс түүний тавьсан өрийг яаж дарах вэ гээд л аргаа барав.
Ингэж явсаар Ш.Батхүүгийн зээлсэн 140 сая ам.долларыг нэрээ ашиглуулснаараа \”Эрдэнэт”
үйлдвэр төлөхөөр болж байна. Төлөхгүй гэвэл төрийн мэдлийн 51 хувиа \”стандарт”
банканд алдах дээрээ тулчихаад байхад
одоо яах ч билээ.

Олон улсын Арбитрын шүүх уг асуудлыг хэлэлцээд Монгол Улс \”Стандарт”
банканд учруулсан хохирлоо төлж барагдуулж, дараа нь Ш.Батхүү гэх нөхөртэйгөө өөрсдөө
учраа ол гэх утгатай шийдвэрийг гаргасан байна. \”Надад юу ч байхгүй ээ” гээд мөрөө
хавчаад байгаа хүнээс юуг нь авах билээ. Ингээд л \”Эрдэнэт” үйлдвэр буюу төр \”хүний”
өмнөөс өр төлөхөөр болчихоод байж байна. Хэзээ хэрхэн төлөгдөх нь тодорхойгүй.

 

Гэтэл төрийг, Эрдэнэт үйлдвэрийг хүндхэн байдалд оруулсан Ш.Батхүү үйлдсэн
хэргийнхээ хариуцлагыг чин шударгаар хүлээсэнгүй. Хоригдож байгаа нэртэй
эмнэлэгт хэвтэж эмчлүүлж байгаад батлан даалтаар гарч удалгүй Н.Энхбаярыг ялгүй
болгохоор өргөн баригдсан гэддэг \”Өршөөлийн хууль”-д хамрагдаж, хариуцлагаас
мултарч, эрх чөлөөтэй алхаж явна.

Тун хялбар байгаа биз. Эндээс та ч гэсэн \”Эрдэнэт” үйлдвэрийг барьцаанд
тавьж зээл авмаар санагдаж байгаа биз. Надад
яг л ийм бодол төрлөө. Яадаг юм. Хариуцсан хүмүүсийнх нь гарын үсгийг
дууриалгаад л зурчихна. Тамга тэмдэг бол технологи хөгжсөн үед ямар асуудал
байх вэ дээ. Хамгийн гол нь зээл авчихаад төлж чадахгүй байсан ч төр маань
бидний өмнөөс тэр өрийг дарчихна. Тэгээд л эмнэлэгт хэвтэж байгаад нэг даргыг
эрх чөлөөтэй болгох зорилготой өргөн барьсан өршөөлийн хуульд нь хамрагдаад л
болчихно… Яагаад тэд ингэж амьдарч болоод байхад бид тэр амьдралаар амьдарч
болохгүй гэж. Хууль хүн бүрт л тэгш үйлчилдэг биз дээ.

 

Шар хүү

Үндэстэн агентлаг