Тэгвэл гэрэл асааж унтах нь хүүхдүүдийн хараанд хэр зэрэг нөлөөлдгийг одоогоор системтэй судалгаа хийж чадаагүй байгаа талаар Шанхай хотын хүүхдийн эмнэлгийн нүдний тасгийн эмч Чао Түн танилцуулсан юм.
Гэсэн хэдий ч урт хугацаагаар гэрэл асаах нь хүүхдийн нүдний эрүүл мэндэд зохих хэмжээгээр сөрөг нөлөө үзүүлдэг аж. Гэрэл асааж унтах нь ганц нүдэнд сөрөг нөлөө үзүүлдэг биш харин хүний биеийн хэмнэлийг алдагдуулж, биеийн эрүүл мэндэд мөн сөргөөр нөлөөлдөг байна. Хэрвээ хүүхэд зөвхөн харанхуйгаас айснаас гэрэл асааж унтдаг бол өөр аргаар энэхүү асуудлыг шийдвэрлэх нь хамгийн зөв сонголт гэдгийг Чао Түн эмч зөвлөжээ. Нүдний торлог бүрхэвчид конус эс болон род эс гэх хоёр төрлийн гэрлийг мэдрэх эс байдаг. Конус эс нь нарны буюу хурц гэрлийг мэдэрдэг бол нөгөө эс нь харанхуйг мэдэрдэг ажээ. Өөрөөр хэлбэл конус эс өдөр ажиллаж, род эс шөнө орой ажилладаг гэсэн үг юм. Байгаль орчинд хэмнэлттэй байдагтай адил хүний бие болон хүний нүдэнд ч хэмнэл байдаг. Бүтэн өдрөөр ажилласан конус эс шөнө болох үед амарвал зохино. Гэтэл хэрвээ гэрлээ унтраахгүй байгаад байвал конус эс урт хугацаагаар ажиллаад род эсийн хөгжил удааширдаг. Энэ нь харааны хөгжилд сөрөг нөлөө үзүүлэх шалтгаан болдог.
Үүнээс гадна гэрлийн бохирдол ч нэг төрлийн бохирдол. Ямарваа хиймэл гэрлүүд нүдэнд дарамт үүсгэх тул энэхүү дарамт урт хугацаагаар оршвол хүнийг тайван бүс болгож унтахад харшилдаг байна.
Хүмүүс байгальтайгаа зохицсон байх ёстой, Шөнө орой болоход унтах нь байгалийн жам ёс гэдгийг эмч Чао Түн чухалчилж, гэрэл асааж унтах нь том хүний биеийн эрүүл мэндэд ямар ч ашиггүй. Унтах үед гэрэл асаах нь бас хүний биеийн нэг төрлийн гормоны шүүрэлд нөлөөлөхийн зэрэгцээ дархлааны чадварыг муудуулж байдаг гэж гадаадын судлаачид судалгаагаараа нотолсон байдаг гэлээ.
Гэрэл асааж унтдаг хүүхдүүдийн эцэг эх нь хүүхдийн сэтгэл санааг дэмжиж, зориг зүрхийг нь чангалахыг чухал үзнэ. Жишээлэхэд хүүхдээ унтуулсны дараа гэрлээ унтраах зэрэг арга хэмжээ авч байх нь сайн.
Ажил амралтыг зохицуулан, электрон дэлгэцээс хол байж, үргэлж нар салхинд гарч байх нь нүдний харааг хамгаалахад чухал үүрэгтэй талаар Чао Түн эмч зөвлөсөн байна.
