Ким Жон Намыг хөнөөхөд Хойд Солонгосын тусгай албаныхан нууц зэвсэг ашигласан гэв

$\"\"$

Бүгд найрамдах Ардчилсан Солонгос ард улсын удирдагч Ким Жон Уны эцэг нэгт
ах Ким Жон Нам Индонез улсад зорчих үедээ бусдын гарт амь насаа алдсан хэрэг
олны анхаарлыг татаж байна. Энэ хэрэгт хоёр эмэгтэй хүнийг саатуулаад байгаа. Тэгвэл сэжигтэн 25 настай
Сити Айся нь \”Just
For Laughs” нэртэй хүмүүсийг хуурч, нууцаар бичлэг хийдэг
телевизийн шоунд оролцох урилга авч, тодорхой хэмжээний төлбөр авсан гэдгээ
тайлбарласан байна. Тэрээр нисэх буудал дээр хэд хэдэн хүний нүүр рүү ус цацсан
бөгөөд хамгийн сүүлд Ким Жон Намын нүүр рүү ус цацсан гэж тайлбарлажээ. Гэвч
усны оронд хор шингэн зүйл байсныг Сити Айся мэдээгүй гэсэн байна.

Хуулийнхан энэ хэргийг зохион байгуулалттай аллага гэж үзэж байгаа бөгөөд
Сити Айсяг ч бас хохирогч, өөрийгөө аллагад оролцож байгаагаа мэдээгүй гэжээ.

Малайзын тал Ким Жон Намын цогцост ДНХ шинжилгээ хийж,
хэн гэдгийг нь тогтоосон. Мөн нарийн задлан шинжилгээ хийх хүсэлтэй байгаагаа
ар гэрийнхэнд нь уламжилсан байна. Гэвч Хойд Солонгосын талаас талийгаачийн
цогцост ямар нэгэн задлан, шинжилгээ хийлгүйгээр өөрсдөд нь хүлээлгэн өгөхийг
шаардаж байгаа гэнэ. Ким Жон Нам нь Макаод амьдарч байсан бөгөөд түүний гэр
бүлийнхнийг нь Макаогийн цагдаагийн газраас хамгаалалтанд аваад байгаа юм
байна.

Малайзын улсын
цагдаагийн газраас \”Ким Жон Намын биед гадны нөлөөтэй хортой зүү шигдэн орсон
ба уг нь хор нь амьсгалын эрхтэн болон булчингийн үйл ажиллагааг зогсоож,
улмаар амь насаа алдах хэмжээнд хүргэсэн байж болзошгүй. Дэлгэрэнгүй мэдээллийг
задлан шинжилгээ хийсний дараа мэдэгдэх боломжтой” гэжээ. Хортой зүүг гаднаас нь
харахад үзэг мэт боловч кноп дарах төдийд 11 мм урттай зүү харвадаг нууц
төхөөрөмж гэдгийг албаныхан тайлбарлажээ.

$\"\"$

Ким Жон Нам хоёрдугаар
сарын 14-ний өглөө 9.26 цагт гадаадад зорчихоор Малайзын Куала Лампур хотын
Олон улсын нисэх буудал дээр очсон байж. Ингээд нислэгийн хуваарь шалгадаг
автомат төхөөрөмжийн дэргэд ухаан алдаж унасан бөгөөд түргэн тусламжаар
эмнэлэгт очоод амь насаа алдсан байна. Хяналтын
камерт Ази царайтай хоёр эмэгтэй түүн рүү дөхөж очоод тэр даруйдаа онгоцны
буудлаас такси барин явсан нь бичигджээ. Хэвлэлүүд Ким Жон Намын
аминд хүрсэн энэ явдлыг Хойд Солонгос тэр тусмаа Ким Жон Уныг буруутган бичиж
байна. Учир нь Хятадад дүрвэн гарсан Хойд Солонгосчуудад тусалдаг байсан сүмийн
пасторын амийг яг ингэж буюу хортой зүүгээр хөнөөж байсан байна. Тиймээс хортой
зүү нвь Хойд Солонгосын тусгай хүчний нууц ажиллагаа явуулахдаа хэрэглэдэг нууц
зэвсэг мөн гэж бичиж байна.