Жирэмсний явц бол цэцэрлэгт хүрээлэнд алхаж байгаатай адил аз жаргалаар дүүрэн байдаггүй ч бас уйтгар, бэрхшээл дандаа тохиолддоггүй. Олон жирэмсэн эмэгтэйчүүд бие нь хэрхэн хурдтайгаар өөрчлөгдөж байгааг харах нь хэцүү санагддаг. Хамгийн дуртай хүнсний зүйлсээ идэж чадахгүй болох, өөрийн дуртай спортын төрлөөр хичээллэж болохгүй болох гээд л амьдралын хэв маягт хүртэл өөрчлөлт ордог. Мөн жирэмсний дааврын нөлөөгөөр нойр муудах, сэтгэл санаа илүү эмзэг болж ирдэг онцлогтой.
Эдгээр өөрчлөлтүүдийг эмэгтэй хүн болгон өөрийнхөөрөө ялгаатай хүлээн авдаг. Иймд жирэмсэн байхдаа сэтгэл санаагаар өөдрөг, аз жаргалтай байх дараах зөвлөгөөнд анхаарал хандуулаарай:
1. Сэтгэлээ нээлттэй байлгаарай.
Хэн нэгэн дотны хүн тань таны сэтгэл санааны байдлын талаар асуувал нуух хэрэггүй. Аль болох өөрийнхөөрөө байж сэтгэл гонсойлгосон зүйл байвал хэлж байгаарай. Ил тод, нээлттэй байх нь эерэг бодлыг бий болгож танд юу хэрэгтэй байгаа талаар бусад хүмүүс мэдснээр танд илүү тус дэмжлэг болох болно.
2. Дотны хүмүүстэйгээ цагийг өнгөрөөгөөрэй!
Жирэмсэн үедээ цагийг үр дүнтэй өнгөрөөх нь таны сэтгэл санааг өөдрөг байлгаж ядралтыг багасгана. Сэтгэлээр унасан үедээ таныг хамгийн сайн ойлгож дэмждэг хүнтэйгээ ярилцаарай. Таны итгэлтэй дотны хүмүүс таны сэтгэцийн эрүүл мэндийн байдлыг ажиглаж байдаг.
3. Өөрийгөө бүү буруутгаарай!
Хэрэв танд жирэмсний талаар дандаа сайхан мэдрэмж төрөхгүй байвал сайн ээж болж чадахгүй нь гэж өөрийгөө чамлаж болохгүй. Энэ үеийн сэтгэлийн өөрчлөлт төрсний дараа үетэй ямар нэгэн хамааралгүй байдаг. Зөвхөн “цагийн юм цагтаа” гэдгийг ойлгож ирээдүйдээ итгэлтэй байгаарай.
4. Бясалгал!
Өөрийгөө тайвшруулах хамгийн сайн аргуудын нэг нь бясалгал юм. Өдөрт 30 минут бясалгал хийх нь таны оюун ухааныг цэлмээж, стрессийг арилгадаг. Бясалгал хийснээр нойрондоо сайжирч, анхаарал төвлөрөлт нэмэгддэг.
5. Ароматерапиг сонирхоод үзээрэй!
Хэрэв танд стресс ажиглагдаж байвал ароматерапи эмчилгээг бясалгалтай хослуулаад үзээрэй. Анхилуун үнэр мэдрэх нь таны эрүүл мэндэд ч тустай. Эссэнзийн тосыг (essential oil) эмчийн зөвлөгөө авч ароматерапид ашиглах нь таны болон таны хүүхдийн эрүүл мэндэд сайнаар нөлөөлнө.
6. Өөртэйгээ адил зорилготой хүмүүстэй холбоо тогтоогоорой!
Жирэмсний хугацаандаа өөртэйгээ адил зорилго, сонирхолтой хүмүүстэй бие биенээ дэмжих харилцааг бий болгоорой. Аялалынхаа явцад та ганцаараа биш гэдгээ мэдрэх нь сэтгэл санааны таатай мэдрэмжийг төрүүлдэг. Энгийн бэрхшээлийг даван туулах итгэлтэй харилцааг бий болгоорой.
7. Эрүүл амьдралын хэв маяг, хооллолтын дэглэм бариарай!
Жирэмсний хугацаанд юу идэж, хэрэглэж байгаа нь таны сэтгэл санааны байдалд шууд нөлөөлдөг. Аминдэм, эрдэс, ислэгээр баялаг хоол хүнс хэрэглэх нь таны биед тустай. Цагаан гурил, сахар, шарсан хуурсан хоол хэрэглэхээс зайлсхийгээрэй.
Өдөр бүр хангалттай хэмжээний ус ууж, тохирсон ачаалалтай хөдөлгөөн хийхийг хичээгээрэй.
8. Нөхөртэйгээ нээлттэй харилцаатай байгаарай!
Жирэмсний туршид таны хамгийн аюулгүй орчин, хамгийн сайн найз бол таны хань байх болно. Сэтгэл санаа таагүй байх үедээ нөхөртэйгээ илэн далангүй ярилцаж байгаарай. Цагийг хамтдаа хөгжилтэй, үр ашигтай, идэвхтэй өнгөрүүлээрэй!
9. Барианд анхаарал хандуулаарай!
Жирэмсэн байна гэдэг хэсэг зуурынх билээ. Сэтгэл санаа тайван, зовиургүй байна гэдэг аз жаргалыг бий болгодог. Хэсэг хугацааны дараа та бяцхан үрээ энгэртээ анх удаа тэврэх болно. Иймд сэтгэл зовоосон зүйлс, таагүй шинж тэмдэг байсан ч гэсэн бүх юм сайхан болно гэдэгт итгэлтэй байгаарай!
10. Хүүхэддээ зориулж бэлтгэл хийгээрэй!
Юуны өмнө бяцхан үрээ хүлээж авах өрөө, түүнд зориулж авах юмсын төлөвлөгөө, гээд дараагийн олон зүйлс танай гэр бүлийг хүлээж байгаа. Жирэмслэлт эмэгтэй хүний амьдралд томоохон өөрчлөлтийг авч ирдэг. Энэ үеийг зөв даван туулах нь дараа дараагийн олон эерэг зүйлсийн үндэс суурь болж өгдөг. Иймд жирэмсэн үеээ өөртөө итгэлтэй, аз жаргалтайгаар өнгөрүүлээрэй.
Бүх зүйл сайхан болно гэж үргэлж бодож байгаарай.
