Сүхбаатар дүүргийн нэгдүгээр хороо, Чингисийн өргөн чөлөө, Улсын Драмын Эрдмийн Театраас Багшийн дээд хүртэлх дулааны шугам сүлжээг шинэчлэх ажил энэ сарын 16-наас эхлээд байна.

Засварын ажилтай холбогдуулан Төв шуудангийн уулзвараас Энхтайваны гүүр чиглэлийн буюу Хүүхдийн ордны уулзвар хүртэлх замын хөдөлгөөнийг өнөөдөр 06:00 цагаас хаажээ.

Дулааны шугамын шинэчлэлийн ажлыг гүйцэтгэгч “Рутан” ХХК-ийн инженерийн хэлж буйгаар гурав хоногт багтаан уг хэсгийн шугамыг сольж дуусгах юм байна.

Драмын театрын үүднээс Багшийн дээд хүртэлх дулааны шугам 300-гийнх байсныг 500, усныхыг 400-500-гийн шугам болгож, хонгилын системд оруулах бөгөөд шинэчлэлийн ажлыг есдүгээр сарын 1-н гэхэд дуусгахаар төлөвлөжээ.

Драмын театрын зүүн талын замаар зорчдог нийтийн автобусны 16 чиглэлд орсон өөрчлөлт

Сүхбаатар дүүргийн 1 дүгээр хорооны нутаг дэвсгэр, Чингисийн өргөн чөлөө, Драмын театрын зүүн талын авто замыг өнөөдрөөс долдугаар сарын 22-ны өдрийн 06:00 цаг хүртэл хаасан тул тус замаар зорчдог нийтийн тээврийн 16 чиглэлд түр хугацааны өөрчлөлт оруулсан байна.

1. М:3 Архивын ерөнхий газар-120 мянгат-Сүхбаатрын талбай
2. ШҮ:2 Сүхбаатарын талбай-Нисэх
3. Х:19 ЧХОУНБ-Сүхбаатарын төв талбай
4. Ч:7 “Нисэх – МУБИС – Ард кино театр”
5. Ч:34 “Шар хад – Сансар – Ард кино театр – ТЭЦ 3”
6. Ч:53 “Яармаг – МУБИС”
7. Ч:55 “Зайсан – Дэнжийн 1000 – ЗГАБааз – Согоотын гудамж”
8. Ч:18а “3,4-р хороолол – 6-р бичил хороолол – Ард кино театр – ТЭЦ 3 /баруун тойрог/”
9. Ч:18б “3,4-р хороолол – 6-р бичил хороолол – ТЭЦ 3 – Цэцэг төв /зүүн тойрог/”
10. Ч:50 “Улаанхуаран – ТЭЦ-3”
11. Ч:61 “ Офицеруудын ордон-МУБИС-120 мянгат- Алтай хотхон- ТЭЦ3”
12. Ч:52 “3,4-р хороолол – Тэнгис кинотеатр – Зайсан”
13. Ч:58 “3,4-р хороолол – ТЭЦ-3”
14. Ч:66 “Зайсан – Цэцэг төв – 11-р хороолол”
15. Ч:69б “Вива сити хороолол-Мөнгөн завъяа-Бөмбөгөр-Гэмтлийн эмнэлэг”
16. Ч:72 “Богдхан амралт – Төв номын сан – МУБИС – Хөгжим бүжгийн коллеж”

Энэ хугацаанд дээрх чиглэлийн нийтийн тээврийн хэрэгслүүд дараах зураглалын дагуу иргэдэд үйлчилнэ.