Олимпын дугуйн төрөлд манай улсаас хоёр эрх авсан билээ. Өнөөдөр цуваа гарааны уралдаан боллоо.
Цуваа гараанд 34 дугуйчин уралдсанаас манай тамирчин С.Жамбалжамц 40:19.93 секундэд замаа дуусгаснаар 28-д бичигдсэн юм.
Энэ төрөлд Бельгийн дугуйчид тэргүүлэв. Тус улсын тамирчин Ремко Евенпоель 36:12.16 секундээр алтан медалийн болзол хангасан бол Италийн Филиппо Ганна мөнгө, Бельгийн Воут ван Аерт хүрэл медаль хүртлээ.
С.Жамбалжамцын уралдаан үүгээр дуусаагүй. Тэрбээр наймдугаар сарын 3-ны өдөр 17:00 цагаас бөөн гараанд уралдана.
