Олон улсын залуучуудын өдрийг тохиолдуулан Олон Улс дахь Монгол оюутан залуучуудын холбооноос гурав дахь удаагаа “Боловсролын өдөрлөг 2024” үйл ажиллагааг энэ сарын 11-нд зохион байгуулах гэж байна.
Өдөрлөг Мэдээлэл, Технологийн Үндэсний Паркт 14:00-18:00 цагийн хооронд болох бөгөөд ОХУ, Польш, Тайвань, Унгар, Чех, Хятад, Америк, Япон, Австрали болон Итали улсад суралцаж буй монгол оюутнуудын төлөөлөл болон Монгол дахь төлөөлөл бүхий боловсролын байгууллага оролцоно.
Тэд туршлагаасаа хуваалцаж, тэтгэлэгт хэрхэн хамрагдах, амьдрах орчны талаарх зэрэг практик мэдээ мэдээллийг өгөх юм.
Өдөрлөгийн үеэр гадаадад суралцах сонирхолтой 300 гаруй оюутан, залууст мэдээлэл өгөх бөгөөд тус үйл ажиллагааг үнэ төлбөргүйгээр зохион байгуулна.
