Дахин Хүлцэл өчье, Хар ламтан гуай та

 

 

Дахин Хүлцэл өчье, Хар ламтан гуай та

Хар жанчтан загaлмайлан байж ном
айлдана

Хачин ном айлдана

Хуй орчлонгийн бүхий л хүмүүн
ганц эрээс үүссэн гэж айлдана

Яс махныхаа тасархай охин
үртэйгээ нөхчсөн гэж айлдана (1*)

Тэдний үрс нь зулайгаан гишгэлцсэн бүсгүй дүүтэйгээ дэр нэгтгэсэн гэнэ (2*)

Түүнээн ариун хийгээд үнэн гэж
уншина (3*)

Хүмүүн ёсноос гажууд

Хөх жаягт минь хөндлөн

Ямар гээчийн нүгэлт ном вэ энэ

Түмэн олонд та ийм чивэлт ном
уншчаад

Төрсөн охиныхоо царайг яаж харна
даа та

Бүсгүй дүү рүүгээ арай та бүлээн
нурам цацдаг юм биш байгаа даа

Загалмайтан гуай

Энэ Хүннү газарт бид хөх
толботонтой л худ болж

Хүрэн уулсынхаа дунд найман үедээ
ч урагаа алс байлгадаг юм аа

Мөргөж сөгддөг бурханд чинь бид
итгэхгүй бол

Мөнхөд халуун тамд шатаана гэсэн
үү (4*)

Ямар гээчийн нигүүлсэлт бурхантай
юм бэ тa

Юу гээчийн тамлагч эзэн бэ тэр
чинь

Хар лам гуай та боддоо

Хоёр хадаасанд шивүүлж

Хорвоогоос одсон таны бурхныг
төрхөөс ч (5*)

Хагас мянган жилийн тэртээд бид
Хөх тэнгэрийн дор төрт улс байгуулчаад

Хүннү гүрэн гээд нэрлэчихсэн байсан юм даа

Харанхуй зууны нүгэлт номын тамд

Ирэн зууны оюунлаг хүмүүс
итгэхгүй дээ итгэхгүй загалмайтан
гуай

Харин та Хөх тэнгэр буй өвгөдийнхөө сүнсийг

Харанхуй тамд байгаа гэж айлдчаад

Хүлээж суугаа эцгийнхээ өмнө очиж

Хүүгийн ёсоор духаан яаж
үнэсүүлэндээ

Цайныхаа дээдийг аягалан ижий
тань таньд тавиа даа

Цацлаа өргөсөн сүү нь тэнгэртээ
ээдчих вий дээ

Хаадийн дээд хаан гэсэн үү таны
шүтээн

Хоёр мянганы тэртээд эх орнoo
алдсан харь элэгтний

Хоосон хонзогнол занаа мөрөөдлөөр дүүрэн номонд итгэжээ
та

Хөвчин дэлхийг морьдын туурайгаар
туулчихсан хаадын дээдтэй бид

Тойгтныг сөхрүүлж толгойтныг
бөхийлгөсөн эх эзэнтэй улсаа бид

Taшуу үндэстний нүгэлт номонд залбирсан та

Тэнгэр өвөгдийнхөө ариун түүхийг

Төрсөн үрдээ юу гэж ярина даа

Омогшил хийгээд бахархалт эх
түүхийг

Ондоо нэгнээс сонсох вий дээ үр чинь

Тунгаамал эрдэнэ мэт ариун үнэн
гэв үү таны ном

Тэр үнэн гэдэг тань

Онгон эмээс үр тасрах уу хэлсэн үү? (6*)

Орчлонгоос одсон хүн 3 хоногийн
дараа амилах уу(7*)

Дээрээс зохиосон зохиолooр бид амьдрах уу?

Дэлхийг тойрдог нар гэж байх
уу(8*)

Их хотын түмэн хүн бүгд нүгэлтэн
үү(9\”)

Эх тэнгисийг таягаараа хуваадаг шидтэнг та
харсан уу(10\”)

Үгүй дээ жанчтан гуай үгүй

Үнэнээс үнэнийг би танд хэлий

Замбуулингийн учрыг томъёолсон
ухаант эрдэмтдийг

Загалмайн номонд харшиллаа гэж
зандалчны гарт өгч тамлан хороож байсан нь бодит үнэн

Залуу бүсгүйчүүдийг үзэсгэлэнтэй төрсний нь төлөө

Зуу зуугаар нь шулам хэмээн
шатааж цаазалсан нь түүхэн үнэн(11\”)

Загалмайт цэрэг эрс нь хүртэл

Нялх үрсийн амиар хооллосон нь ч гутамшигт үнэн(12\”)

Үнэн гэж энэ дээ хар лам гуай

Тиймээс хар жанчны хар сүүдэр

Таван ханатай цагаан гэрт минь
бүү тусаг

Тааны толгойт талд минь сүнс нь ч
бүү хоргодог

Хаанаас хийсч ирсэн хар жанч нөмөрчихөв өө
та

Хэн гэж нүгэлтний дохиурын үзүүр
болчивоо та

Өвгөдийн минь үлдээсэн энэ газар шороо

Өчнөөн мянганы түүхт өв соёл

Үрсийн чинь оюуныг ээдүүлэх гэж

Хоёр хуруу зузаан номтой цуг

Холоос тань руу сохор зоос нясласан юм шүү дээ тэд

Алсаас хаясан сохор зоос шүүрэх
гэж

Өвгөдийнхөө их түүхийг гутааж

Үр ачийнхаа сэтгэлгээг сэмлэвэл

Эрэн зууны оюунлаг бүхний өмнө

Ирээдүй хойчийнхоо өмнө

Энэ хар жанчтайгаа яаж та зогсоно доо

Ухаараа та, ухаар

Арга учгийг oрoocon улаан сампинт малгайгаа тэргүүндээ тавьж ухаар

Аавынхаа эсгэсэн айргийг шимж нэг ухаар

Ээжийнхээ өргөсөн цацалд норж нэг
ухаар

Эхнэрийнхээ шанхыг илж нэг ухаар

Үрийнхээ сэвлэгийг үргээж нэг ухаар

Өвгөдийнхээ хөглөсөн
морин хуурыг татаж нэг ухаар

Хүй дарсан чулуугаа илж нэг ухаар

Хүн чулууны дэргэд очиж нэг ухаар

Монголынхоо газарт мөргөж ухаар

Төрийнхөө сүлдэнд сөгдөж ухаар

Та ухаар

 

(1*) Загалмайтнуудийн итгэдэг Библе гэж номонд. Энэ дэлхийн анхны хүн нь
Адам. Түүний нэг хавиргын нь авч Ева гэж
охин бүтээдэг. Тэр хоёр анхны эр эм болдог. Бидний ойлголтоор яс
махны тасархай охин үр
шинжлэх ухаанаар бол ижил ДНК-тай.

(2*) Уг номонд аав охин хоёрын
хүүхдүүд хоорондоо гэрлэдэг. Жишээ нь: Аав Адам, хүү Aван, ээж Ева … /Аав Аван, Ээж Каян, хүү Еноч / Тэдний
таван хүүхдийн дөрөв нь хоорондоо дэр нэгтгэж, хүн төрөлхтөн бий болжээ. Та
боддоо төрсөн ах дүүс бие биетэйгээ гэр бүл болно гээд. Ийм л ёс бус суртал
байна.

(3*) Уг номонд Ариун үнэн, тунгаамал эрдэнэ мэт
үнэн, үнэнээс үнэн … гэх
мэт үгнүүд маш их байдаг. Энэ бол энэ ном үнэн үү? худал уу? гэж бодуулахгүй гэсэн санаа юм.

(4*) Эл номонд Загалмайтнууд Исус дахин ирж итгэгчдээ дагуулаад диваажин луу явна. Итгээгүй
хүмүүс мөнхийн халуун тамд байлгана гэдэгт итгэдэг. Миний өвөг дээдсийг тэд
одоо халуун тамд байгаа гэдэгт итгэдэг гэсэн үг.

(5*)Ром тухайн үеийнхээ тэргүүний хөгжилтөй, сонгуулийн системтэй төртөй улс байв. Ромын төрийн хуулийг одоо ч бага зэргийн засвартайгаар олонхи улс
орон Үндсэн хууль болгон ашигладаг. Ромд төрийн гэмт хэрэгтэнг загалмайд цовцлон цаазалдаг байв. Исус
цаазлагдсан хэмээх нь бодит биш юм. Домгийн чанартай.

(6*) Мөн номонд Исусийн ээж
нь онгон байсан гэж гардаг боловч тухайн үед хэн яаж шалгасан тухай дурдаагүй
бөгөөд 5000 жилийн өмнө Египетчүүдийн шүтдэг байсан нарны бурхан Хорусын
түүхийг үг үсэггүй хуулсан байдаг.

(7\”) Библед Исусийг онгон эхээс төрсөн, 32 насандаа ид шид үзүүлз усан
дээгүүр явсан, үхсэн хүнийг амилуулдаг байсан, гэх мэт шидийг үзүүлдэг байсан гэдэг
болов ч тухайн үед амьдарч байсан нэг ч
түүх, зохиол, яруу найрагт энэ тухай дурдаагүй байдаг. Тэр цаазлагдсан гэсэн нэр огт байгаагүй. Уг номонд цаазлагдаад гурав хоногийн дараа амилсан мэтээр бичсэн нь зүгээр л зохиол юм. Энэ ном үнэндээ МЭ 140-өөд онд хэдэн хүн нийлж бичсэн
зохиол төдий юм аа.

(8*) Библе дээр нарыг дүрслэхдээ \”алтан хуяг дуулгаа өмссөн баатар мэт
замдаа гарлаа” гэж. Мөн дэлхийг нар тойрдог мэтээр дүрсэлсэн байдаг. Нар төвтэй нарны
аймгийн тухай онол библед
харш байв.

Ж.Бруно нарыг дэлхий тойрдог гэж
баталсны төлөө 1600 онд тамлуулан цаазлуулсан билээ. Маш олон эрдэмтэд
хөнөөгдсөн байдаг.

(9\”) Хуучин гэрээ гэж номонд Содом гомарх гэж ромын хот байсан, бүх иргэд нь ижил хүйстэн байлаа гэж бичсэн байдаг. Тэднийг тэнгэрээс
гал буулган устгасан тухай гардаг. Үнэндээ ийм хот байгаагүй. Энэ санааг МЭ 90 онд галт уулнаас болж сүйрсэн Помпей хотыг дайруулж далд утгаар
бичсэн байна. Тухайн үед Израйл
улс Ромд эзлэгдсэн байсан тул
Помпейг сүйрэхэд бурхны
гэсгээл гэж бодсонтой холбоотой юм. Тэнд ойролцоогоор 25000 хүн галт уулын
дэлбэрэлтэд өртсөн билээ. Маш олон хүүхэд, эмэгтэйчүүд өртсөн байдаг.

(10\”) Хуучин гэрээнд Зөнч Мосис гэж гардаг. Египетийн морин цэргээс зугтан улаан тэнгисийг таягаараа дохин дундуур нь
хуваасан тухай гардаг. Манай тайхар
хадийг могойны толгой дээр тавьдаг шиг л юм уу даа. Гэвч энэ үлгэр дээ загалмайтнууд яг үнэн гэж итгэдэг. Хүнийг шашин үлгэр сонсдог хүүхэд шиг болгоод байгаа юм.

(11\”) Дундад зуунд европ тив тэр чигтээ шулмын ангууч болсон байв. \”Энэ хүүхэн шөнө шүүр унаж нисэхийг би харсан” гэсэн мэдээллээр уг эмэгтэйг сүмийнхэн
шатааж алдаг байв

(12\”) Ханивалл хүн иддэг гэх үг анхны загалмайтны аян дайны
үед гарсан. Ханивалл гэж дайнд
орж байсан цэргийн нэр юм. Тэр хүүхэд
алж, яаж шарж иддэг байснаа тэмдэглэлийн
дэвтэртээ бичиж үлдээсэн байна

(13\”) Манай улсад ажиллаж байгаа загалмайтний
сүм, ТВ, Fm-үүд бүгд гаднаас төсөл нэрээр санхүүждэг. Ард түмэн нүдээ аниад залбираад ихэлбэл бидний газар руу тэдгээр шимэгчдийн эзэн, эзэд хошуугаа лав гэгчин оруулаад сороод ихэлнэ. Ер нь шимэгч амьтны зан шүү дээ. Эхлээд бие рүү нь хороо шахаад, дараа нь сордог.

 

Эх сурвалж: Модун Ш