Цаг агаарын ажиглалтын мэдээний 1 хоногийн тойм:
Цасны зузаан: Өнөө өглөөний мэдээгээр Монгол-Алтай, Хангайн уулархаг нутгаар 0.0-5.0 см цасан бүрхүүл тогтсоноос хамгийн их нь Завханы Түдэвтэйд 5.0 см, Цагаанчулуут, Сонгинод 4.0 см, Ховдын Дуут, Мөст, Завханы Шилүүстэй, Даян, Нөмрөг, Тосонцэнгэлд 3.0 см, бусад хэсгээр 0.0-2.0 см цасан бүрхүүл тогтсон байна.
Хур тунадас: Өнгөрсөн хоногт баруун аймгуудын ихэнх нутаг, төвийн аймгуудын нутгийн баруун хэсгээр 0.0-14.0 мм хур тунадас орсон байна. Үүнээс хоногийн нийлбэрээр хамгийн их нь Ховдын Мөстөд 14.0 мм, Баян-Өлгийн Дөчинжилд 10.0 мм, Ховдын Манхан, Говь-Алтайн Хөхморьтод 7.0 мм, Ховдын Дуут, Чандмань, Цэцэгт 6.0 мм, бусад хэсгээр 0.0-5.0 мм хур тунадас орсон байна.
Агаарын хамгийн их температур: Өчигдөр өдөр Дархадын хотгор, Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Ерөө голын хөндийгөөр 0…+5 градус, Увс нуурын хотгор, Их нууруудын хотгор, Хэнтийн уулархаг нутаг, Тэс, Эг, Үүр, Орхон, Сэлэнгэ, Туул, Тэрэлж, Хэрлэн, Онон голын хөндийгөөр +5…+10 градус, говийн бүс нутгийн өмнөд хэсгээр +16…+21 градус, бусад нутгаар +11…+16 градус дулаан байна.
Агаарын хамгийн бага температур: Өнгөрсөн шөнө Дархадын хотгор, Хөвсгөлийн уулархаг нутаг, Завхан голын эх, Идэр, Эг, Үүр, Хараа, Ерөө, Туул, Тэрэлж, Онон голын хөндийгөөр -10…-16 градус, Монгол-Алтай, Хангай, Хэнтийн уулархаг нутаг, Тэс, Орхон, Сэлэнгэ, Хэрлэн, Халх голын хөндий, говийн аймгуудын нутгийн хойд хэсэг, Дорнод-Дарьгангын тал нутгаар -3…-9 градус хүйтэн, Их нууруудын хотгор, говийн бүс нутгийн баруун өмнөд хэсгээр +4…+9 градус дулаан, бусад нутгаар -2…+3 градус дулаан хоносон байна.
Cалхи: Өнгөрсөн хоногт ихэнх нутгаар секундэд 5-10 метр, нутгийн зүүн хагаст зарим үед секундэд 13-15 метр хүрч ширүүссэн байна.
Улаанбаатар хот орчмоор: Өнгөрсөн хоногт хур тунадас ороогүй. Салхи баруун хойноос секундэд 6-11 метр, нутгийн зүүн хэсгээр зарим үед секундэд 13-15 метр хүрч ширүүссэн байна. Өчигдөр өдөр +8 градус дулаан, өнгөрсөн шөнө Яармаг-Сонгины орчмоор -11 градус, бусад хэсгээр -9 градус хүйтэн хоносон байна.
Эх сурвалж: Цаг уур, орчны шинжилгээний газар
