Монгол Улс, БНСУ-ын хооронд дипломат харилцаа тогтоосны 35 жилийн ойн хүрээнд зохион байгуулагдсан хоёр дахь удаагийн “МОНГОЛ КИНО ӨДРҮҮД” наадам Пусанд болж байна.
Арга хэмжээнд гадаад дотоодын 400 гаруй зочид төлөөлөгчид хүрэлцэн ирснээс:
-
БНХАУ-аас Пусан хотод суугаа Ерөнхий консул Чэнь Рибяо
-
ОХУ-аас Пусан хотод суугаа Ерөнхий консул Оксана Дудник
-
АНУ-аас Пусан хотод суугаа Консул Нолан Баркхаус
-
Казакстан улсаас Пусан хотод суугаа Дэд консул Осман Диас
Мөн Пусан хотын захиргаа, Иргэдийн төлөөлөгчдийн хурал, Пусан хотын Соёл, спортын газрын дарга зэрэг хүндэт зочид уригдан оролцож, баяр хүргэлээ.
Нээлтийн киногоор Найруулагч Б.Батдэлгэрийн “Шар гэгээ” уран сайхны киног толилуулсан бөгөөд 2025 оны 2 дугаар сарын 5-7-ны өдрүүдэд 3 хоногийн турш үргэлжлэх тус арга хэмжээнд нийт 4 киног 8 удаагийн үзвэрээр үзэгчдэд хүргэх юм байна.
