Ч.Хүрэлбаатар: Татвар нэмнэ, том төслүүд хөдлөхгүй гэж валютын сантай тохирсон юм уу

2017 оны төсвийн тодотголыг хэлэлцэж байна.

 

Энэ
үеэр УИХ-ын гишүүн Төсвийн байнгын хорооны дарга Ч.Хүрэлбаатар гишүүний хэлсэн үг анхаарал татлаа. Тэрбээр \”Бондын төлбөр төлөхдөө тулгаад, олигтой зүйл
тохироогүй хөтөлбөр оруулж ирлээ. Харамсалтай байна. Нөхцөл байдал өөр байх үе буюу наймдугаар сараас хэлэлцээд явсан бол арай
өөр хөтөлбөр хэрэгжүүлэх боломжтой байсан болов уу. Ойлгомжгүй зүйлүүд байна.
Яагаад эдийн засаг 2017 онд унана гэж тооцож байгаа юм бэ. Эдийн засаг унана,
уналт үргэлжилнэ гэдгийг та нар яаж тооцож оруулж ирж байгаа юм. Бидний баталж
өгсөн дээр 3.6 хувиар өснө гэж оруулж ирсэн. Гол гарц төмөр зам яагаад
явахгүй байгаа юм. Гачууртнаас өөр орд байхгүй байгаа юм уу. Яагаад өмч хувьчлалыг зогсооно гэж ярьж
байгаа юм. Юу ч хийхгүй, зээл авна гэсэн ийм төсөв оруулж ирэх бол энэ эдийн
засгийн өсөлт чинь -0.5 бишээ түүнээс доошоо явна. Татвар нэмнэ, том төслүүд
хөдлөхгүй гэж валютын сантай тохирсон юм уу. Төмөр зам
барихгүй гэж тохирсон юм уу. 2017 онд бид нарын баталсан төсөв бол орлого нь
өндөр, зарлага нь одоогийн та нарын оруулж ирснээс бага байсан. Орлогыг өсгөөд,
зардлыг ихэсгээд ороод ирсэн байна” гэсэн асуултыг Сангийн сайдад тавилаа.

 

Энэ асуултад Сангийн сайд Б.Чойжилсүрэн \”Хэлэлцээр муу хийсэн гэж та дүгнэж байна. Гэхдээ энэ таны л дүгнэлт. Эдийн засгийн өсөлтийг -0.2
болгож оруулж ирсэн. Төсвийн тодотголыг нөөцтэй тооцоолчих гэж ОУВС-гийнхан зөвлөсөн. Ингэж хасахтай тооцохгүй бол ОУВС-гийнхан
захирлуудын зөвлөлөөр оруулахад хэцүү гэж хэлсэн юм. Болгоомжтой л хандсан хэрэг. Бодит байдал дээр 2017 онд эдийн засгийн өсөлт 2 хувь болохоор харагдаж байна. Том төсөл, хөтөлбөрүүдээ бүгдийг нь
хөдөлгөнө. Хөдөлгө гэсэн шаардлагыг ОУВС-гийнхан тавьж байгаа. Гэхдээ 2018, 2019
оны төсөвт шилжүүл гэсэн” гэж тайлбарлав.

Харин Ч.Хүрэлбаатар \”ОУВС тэгвэл худлаа төсөв баталчих, хасах
болгочих гэж хэлсэн юм байна шүү дээ. Би
л лав тэгж худлаа төсөв батлахгүй. Ингэж хэн хэнээ хуураад яах вэ. Хоёрдугаарт
он шилжүүлж байгаа хөрөнгө оруулалтын хэмжээ 20 гаруй тэрбум. Дор хаяж хоёроор
үржүүлэх ёстой. Ингэж худлаа хэлж болохгүй” гэсэн дараагийн
асуултыг тавив.

 

Энэ асуултанд Б.Чойжилсүрэн \”Ч.Хүрэлбаатар аа, жаахан хэтрүүлчих шиг боллоо. Ер нь бол санхүүжилтийн дүн өндөр
байна. ОУВС-гийнхны хэлснээр эдийн засгийн өсөлт нэмэх байвал захирлуудын
зөвлөлөөр тодорхой санал шүүмж гарна гэсэн. Нөөцтэй байх тал дээр хаа хаанаа
боловсруулалт хийсэн” гэв.