Ш.Батхүүгийн тавьсан өрийг баталгаа гаргаж өгсөн хүмүүс л дарна биз, улсад ямар хамаа байна аа

\”Жаст” группийн Ерөнхийлөгч Ш.Батхүү \”Стандарт” банкны Өмнөд Африк дахь
салбараас 140 сая ам.доллар зээлсэн байдаг. Ингэхдээ \”Эрдэнэт” үйлдвэрийн 51
хувийг барьцаанд тавьж, тус үйлдвэрийн Ерөнхий захирал Ч.Ганзориг, Төрийн
өмчийн хорооны дарга Д.Сугар, Улаанбаатар Төмөр замын дарга Т.Очирхүү нараар
баталгаа гаргуулж, гарын үсэг зуруулсан байдаг байна.

 

Хэрвээ Ш.Батхүү зээлээ хугацаанд нь асуудалгүй төлөөд явсан бол энэ хэрэг
төрийн хэмжээнд хүрч мандахгүй, Монгол Улсын саалийн үнээг нэг бизнесмэн
барьцаанд тавиад алдах хэмжээнд хүрснийг ард иргэд мэдэхгүй л өнгөрөх байлаа.
Гэвч Ш.Батхүүд өрөө төлөх чадамж байсангүй. Тиймээс л Африкийн банк түүний
төлөх ёстойн өрийг Монгол Улсын Засгийн газраас нэхэмжилж эхэлсэн юм. Шалтгаан
нь Ш.Батхүү өрөө төлж чадахгүйд хүрвэл \”Эрдэнэт” үйлдвэр түүний өрийг нь дарна
гэсэн гэрээ юм. Магадгүй энэ гэрээн дээр Ч.Ганзориг гарын үсэг зурж
баталгаажуулсан биз.

 

Гэхдээ Ч.Ганзориг, Д.Сугар, Т.Очирхүү нарыг гарын үсгийг дууриалгаж хийсэн
гэж Ш.Батхүү мэдэгдсэн байдаг. Нөхдүүд ч энэ хэрэгт холбогдолгүй гэж мэдэгдсээр
байгаа. Гэвч Англи улсын Арбитрын шүүх Ш.Батхүүд гаргаж өгсөн баталгаа, тамга,
гарын үсэг зэрэг нь хуурамч биш гэдгийг тогтоосон байна. Энэ чиглэлээр
мэргэшсэн олон улсын шинжээчид хуурамч ийм дүгнэлт гаргасан байгаа юм.

Энэ дүгнэлтээс үүдэж, Арбитрын шүүх дээр Монгол Улс ялагдал хүлээгээд
байна. Өөрөөр хэлбэл Ш.Батхүүгийн өрийг Монгол улс төлөх шаардлагатай болчихоод
байна.

 

Нэгэнтээ мөнгө зээлсэн нь үнэн. Түүнийгээ төлж чадахгүй байгаа нь ч үнэн.
Тийм болохоор баталгаа гаргаж өгснөөрөө Ч.Ганзориг, Д.Сугар, Т.Очирхүү нар
өрийг төлж яагаад болохгүй гэж. Тэдний дур мэдэн, нууцаар хийсэн энэхүү зээлийн
асуудлыг улс төлөх ямар шаардлага байхгүй. Давж заалдаж, өмгөөлөгч хөлсөлж, сая
сая долларын төлбөр төлөөд байх ч шаардлагагүй. Зүгээр л нэр нь хийж байсан
ажил нь одоо хаана байгаа нь тодорхой эдгээр хүмүүсийг л өрөө төл гээд Арбитрын
шүүхэд хүлээлгээд өгчихмөөр байгаа юм.

Ш.Батхүү ямар зээл аваад бидэнд халамжийн мөнгө хэлбэрээр тараачихсан юм
уу. Харин ч нөхөр зээл авахдаа Ч.Ганзориг, Д.Сугар, Т.Очирхүү нарт хувь
хүртээсэн учраас л өнөөдрийг хүртэл хууль бусаар төрийн өмчийг барьцаалсан
үйлдлээ хаацайлж, баталгаа гаргасан нөхдүүдээ хамгаалсаар явдаг ч юм билүү, яаж
мэдэх билээ. Ямартай ч улс тэдний өрийг төлөх шаардлагагүй. Мөн шүүх дээр
өмгөөлөгч авч, цаг хугацаа алдаж, төлбөр төлөх ч шаардлагагүй санагдах юм. Өр төлөх чадамжгүй, мөнгө байхгүй гэвэл орон сууц, автомашин, хадгаламжийг нь хураан авч болно биз дээ. Яагаад том толгойтуудын өмнөөс улс, цаашлаад татвар төлөгчид хохирох ёстой юм бэ?