Ерөнхийлөгч Дональд Трампын засаг захиргаа сайн дураараа АНУ-аас гарах хууль бус цагаачдад 1000 ам.долларын урамшуулал олгоход бэлэн байна гэж Дотоодын аюулгүй байдлын яам даваа гарагт мэдээллээ .
Төрийн нарийн бичгийн дарга Кристи Ноеми хууль бус цагаачдын хувьд сайн дураар АНУ-ыг орхин явах нь хамгийн аюулгүй бөгөөд хямд арга зам гэлээ.Дотоод аюулгүй байдлын яам буцах аяллын төлбөрийг төлж, цагаачдыг эх нутагтаа буцаж очсоны дараа гар утасны CBP Home программаар дамжуулан 1000 долларын урамшуулал олгохыг санал болгож байна. Хууль бусаар оршин сууж буй нэг хүнийг баривчлах, албадан гаргахад дунджаар 17,000 доллар зарцуулдаг юм.
Цагаачлалын бодлогыг чангатгах ажлын хүрээнд Трампын засаг захиргаа өмнөх төрийн тэргүүн Жо Байдены үед боловсруулсан программыг үндсээр нь шинэчилсэн байна. АНУ-ын Гааль, хил хамгаалах (CBP) One програм нь тус улсад нэвтрэх, орогнол авах зорилгоор янз бүрийн агентлагийн үйлчилгээнд нэвтрэх боломжийг олгодог бөгөөд одоо CBP Home гэж нэрлэдэг болсон юм.
Сүүлийн саруудад АНУ-ын Ерөнхийлөгч хууль бус цагаачлалын эсрэг хэд хэдэн хатуу арга хэмжээ авч хэрэгжүүлсэн. Тангараг өргөснийхөө дараахан Мексиктэй залгаа хил дээр онц байдал зарласан Трампын засаг захиргаа нэгдүгээр сарын 20-ноос хойш 152 000 хүнийг албадан гаргаад байна.
