Хамгийн өндөр орлоготой байсан хотын дарга Э.Бат-Үүлийн тамгын газарт аудитын шалгалт оруулна

 

Түүхэнд байгаагүй их мөнгөтэй
хотын даргаар Э.Бат-Үүлийг нэрлэж бичиж байлаа. Тэгвэл түүнийг энэ их мөнгөө
юунд зарцуулсаныг шалгахаар Нийслэлийн Засаг даргын Тамгын газарт аудитын
шалгалт орохоор болсон байна. Шалгалт таван чиглэлээр хийгдэх юм байна.

Тодруулбал, Гудамж төсөл, ТҮЦ
худалдан борлуулсан, үйл ажиллагаа эрхлэх зөвшөөрлийг хэрхэн олгодсон асуудал,
гэр хорооллыг дахин төлөвлөх хөтөлбөр, сонгон шалгаруулалт, Нийслэлийн газрын
албанаас хууль зөрчин газар олгосон асуудал, нийслэлийн авто замыг сайжруулах
хүрээнд хийгдсэн ажлууд зэрэгт шалгалт оруулахаар болсон тухайгаа Үндэсний
аудитын газрын Нийцлийн аудитын газрын дарга Б.Алтанзул мэдэгдсэн байна.

 

Э.Бат-Үүлийг хотын даргаар
ажиллах байх хугацаанд нийслэлийн төсвийн орлого эрс нэмэгдсэн байна. Тодруулбал,
2012 онд нийслэлийн төсвийн орлого 348.2 тэрбум, 2013 онд 474.8 тэрбум, 2014
онд 522.5 тэрбум, 2015 онд 532.7 тэрбум гээд гэрлийн хурдаар өсөж байсан аж.

 

Тэгвэл өмнөх хотын дарга нарын үед ямар байсныг харья.

 

2000-2005
онд хотын даргаар ажиллаж байсан М.Энхболдын үед нийслэлийн орлого жилдээ
26.3-51.1 тэрбум төгрөгийн хооронд хэлбэлзэж байсан гэдэг. Үүний
дараа 2006-2007 онд Ц.Батбаярыг ажиллаж
байх үед 43.7 тэрбум, 2007 онд 52.4 тэрбум төгрөг төсөвт төвлөрч байжээ.
Харин Б.Билэгт
65.5 тэрбум төгрөгийг зарцуулаад ажлаа Г.Мөнхбаярт өгч, түүнээс хойш
Улаанбаатар хот 2009 онд 133.3 тэрбум, 2010 онд 164.2 тэрбум, ,2011 онд 246.4
тэрбумын орлого олжээ. Энэ бол хамтарсан Засгийн газар байгуулагдсан, эдийн
засаг өсөж байсан үеийн үзүүлэлт юм.

 

Харин улс нь хямарч байх үед Э.Бат-Үүлийн толгойлсон
нийслэлийн орлого эрс нэмэгдсэн ч энэ хөрөнгийг юунд зарцуулсан бэ гэдэг нь
асуулт хэвээр үлджээ. Цэцэг тарьсан, хогны ногоон уут үйлдвэрлэсэн гээд үр
ашиггүй зардлууд Э.Бат-Үүлд их бий. Тэднийг аудитын шалгалтаар тогтоож,
Э.Бат-Үүлийг энэ их орлогыг юунд зарцуулчихсан бэ гэдгийг тогтоох аж.

 

 

Э.Бат-Үүлийг өмнөх Засаг дарга нараа бодвол их ажил
хийсэн гэж ярьдаг. Гэвч энэ их хөрөнгөөр их ажил хийхээс ч аргагүй юм. Хамгийн гол
нь улс нь хямарч байх үед цэцэг тарьж, хогны уут үйлдвэрлэж, тэрбумаар нь
цацсан хотын даргын ажил зөв явсан уу, буруу байв уу гэдгийг шалгалтаар тогтоох
биз.