АН-ын дарга Л.Гантөмөр сэтгүүлчдийн асуултад хариулав.
Тэрээр,
-Төрийн үйл хэрэг нэг минут ч гацаж болохгүй. Сайд нар ажлаа хийж байна. гэхдээ нийгэм МАН-ын баг хурлын шийдвэрийг хүлээж байна. Энэ хурлын дараа МАН, АН, ХҮН-ын дарга нар гурван удаа уулзсан. АН Бага хурлын шийдвэрийг хүндэтгэлтэй хүлээж авна. Одоо Ерөнхий сайд та шийдвэрээ гарга гэж хэлсэн. Ерөнхий сайд ямар шийдвэр гаргахаа сая Засгийн газрын хуралдаанаар танилцууллаа.
Өргөдлөө өгөх эсвэл итгэл үзүүлэх гэсэн хоёр сонголт байна. Асуудлыг Үндсэн хуулийн хүрээнд шийднэ. Ерөнхий сайд огцрох, огцрохгүй байх нь тусдаа. Үүнийг УИХ-ын 126 гишүүн шийднэ. АН Засгийн газарт байхгүй, ажиллахгүй гэдэг дээр цэг тавьчихсан.
Ерөнхий сайдад итгэл үзүүлэх, эсэх асуудлыг Засгийн газраас УИХ руу оруулахгүй. Ерөнхий сайд Л.Оюун-Эрдэнэ оруулна. Үүний хэлбэр ямар байх тухай өнөөдөр Засгийн газрын хуралдаанаар ярилаа.
Цаашид Монгол Улс парламентын засаглалтай байх, эсэх тухай асуудал яригдаж байна. Өнөөдрийн Засгийн газрын хуралдаанд манай намын 8 сайд бүгд суусан. УИХ дахь АН-ын бүлэг Ерөнхий сайдад хандаж, бүлгийн хуралд оролцон, ямар үйл явц өрнөөд байгааг, яагаад АН-ыг Засгийн газраас гаргаснаа дэлгэрэнгүй танилцуулах шаардлага тавьсан.
Дараагийн Засгийн газар эмхлэн байгуулагдах хүртэл АН Засгийн газрын ажлаа хийсээр байна. Бид намын Үндэсний бодлогын хорооны шийдвэрээр МАН-тай хамтарсан. Тийм хурдан гүйж ороогүй. Засгийн газраас гарахдаа ч намын дүрэмд заасны дагуу гарна.
УИХ Ерөнхий сайдад итгэл үзүүлсэн ч АН Засгийн газраас гарна.
Та нар намайг явуулахгүй байгаа тул би мэдээлэл өглөө. Уг нь хэвлэлийн хурал хийж мэдээллээ өгдөг болмоор байна. Та нар хоргоогоод байгаа тул болсон явдлыг ярилаа. 2028 онд мөн хамтарсан Засгийн газар байх уу гэдэг асуудал ч яригдана гэв.
