Монгол Улсын Үндэсний Аюулгүй Байдлын Зөвлөлийн зөвлөмжийн дагуу 2017 оны 03 сарын 20-ны өдрийн Засгийн газрын хуралдаанаар 5 зорилт, 60 үйл ажиллагаа, 25 шалгуур үзүүлэлт бүхий \”Агаар, орчны бохирдлыг бууруулах үндэсний хөтөлбөр”-ийг баталсан бөгөөд хөтөлбөрийг хэрэгжүүлэх ажлын хүрээнд Нийслэлийн Иргэдийн Төлөөлөгчдийн Хурлын 07/01 тогтоолоор \”Улаанбаатар хотын нутаг дэвсгэрийн хэмжээнд агаар, орчны бохирдлыг бууруулах талаар авах арга хэмжээний тусгай төлөвлөгөө” гарсан ба биөлэлтийг хангах чиглэлээр Нийслэлийн мэргэжлийн хяналтын газраас 18 бүлэг 48 ажил хийж холбогдох арга хэмжээг үе шаттайгаар аван ажиллаж байна.
2017 оны I улиралд хийгдсэн ажлуудаас товч танилцуулъя.
Агаарын бохирдлыг бууруулах чиглэлээр:
Нийслэлийн Мэргэжлийн хяналтын газрын улсын /ахлах/ байцаагчид, Нийслэлийн Агаарын бохирдлыг бууруулах газар, Хэсэгчилсэн инженерийн хангамжийн удирдах газар, ЖАИКА байгууллага, Дүүргүүдийн Засаг даргын Тамгын газрын мэргэжилтнүүдтэй хамтран нийслэлийн 6 дүүргийн агаарын чанарыг сайжруулах 1, 2, 3, 4 дүгээр бүсэд харьяалагдах объектын харуул, дугуй засвар, авто засвар, тос, масло, тосол зардаг ТҮЦ, хүнсний дэлгүүр, цэцэрлэг, ШТС, оношилгооны төв, худалдааны төв, уурын болон 100 кВт-аас дээш хүчин чадалтай усан халаалтын зуух зэрэг 2951 иргэн, аж ахуй нэгж, байгууллагад хяналт шалгалт, 24 зуухны хаягдал утаанд хийн хэмжилт хийлээ.
Энэхүү ажлын хүрээнд холбогдох иргэн, аж ахуйн нэгж байгууллагад 2143 мэдэгдэх хуудас, 51 зөвлөмж, 92 албан шаардлага, 24 дүгнэлт, 19 акт өгч, 12625.0 мянган төгрөгийн торгуулийн арга хэмжээ авч, 137 обьектод цахилгаан халаагуур тавиулж, 23 обьектын уламжлалт энгийн зуухыг бүрэн шаталтат сайжруулсан зуухаар солиулах арга хэмжээг авлаа.
Хөрсний бохирдлыг бууруулах чиглэлээр:
Нийслэлийн Мэргэжлийн хяналтын газар, дүүргүүдийн Засаг даргын Тамгын газрын мэргэжилтнүүд хамтран 10456 аж ахуйн нэгж байгууллага, 10223 иргэнийг шалгалтад хамруулж 610 аж ахуйн нэгж, байгууллага 133 иргэний цас мөсийг цэвэрлүүлсэн байна. Цас мөс, хог хаягдлаа цэвэрлэхээс зайлсхийсэн, шаардлага биелүүлээгүй 28 аж ахуйн нэгж, байгууллага, иргэнд 53 заалт бүхий 30 албан шаардлага өгч, 6520.0 мянган төгрөгийн торгуулийн арга хэмжээ авч ажиллалаа.
\”Агаар, орчны бохирдлыг бууруулах үндэсний хөтөлбөр” -ийг хэрэгжүүлэх ажлын хүрээнд чиглэлээр цаашид дараах ажлуудын хийнэ.
Агаарын бохирдлыг бууруулах чиглэлээр:
-
2017 онд 70 халаалтын зуухыг буулгаж төвлөрсөн дулаан хангамжид холбохоор төлөвлөж байна. Энэхүү ажлын хүрээнд Сонгинохайрхан дүүргийн 1 дүгээр хорооллын арын дэнжийн 25 зуух, Баянзүрх дүүргийн Их засаг их сургууль, Маахуур толгой, Цайз зах орчмын 45 зуухыг буулгана.
-
Үнс баригч шүүлтүүр үйлдвэрлэгч үндэсний компанийг дэмжиж нам даралтын зуухнуудыг шүүлтүүрээр хангана.
-
Зорилтот бүлгийн айл өрхүүдийг 5216:2016 стандартын шаардлага хангасан зуух болон боловсруулсан түлшээр хангана.
Хөрсний бохирдлыг бууруулах чиглэлээр:
-
Гэр хорооллын айл өрхийн үнс, хатуу хог хаягдлыг ангилан ялгах, цуглуулах, тээвэрлэх дэд бүтцийн байгууламж, машин механизмыг хүртээмжтэй болгох, хаягдлыг дахин боловсруулж ашиглах үйл ажиллагааг дэмжинэ.
-
Хог хаягдлын менежментийг боловсронгуй болгож, эдийн засгийн эргэлтэд оруулахыг дэмжих, аюултай хог хаягдлыг түр хадгалах, устгах зориулалтын байгууламж байгуулж аюултай хог хаягдлын хяналтгүй тархалтыг хумина.
-
\”Ногоон зээлийн сан” байгуулах асуудлыг судлан, иргэд, хувийн хэвшил цахилгаан халаагуур, агаар, орчны бохирдлыг бууруулах, дулааны алдагдал бууруулах зэрэг байгальд ээлтэй, эрчим хүчний хэмнэлттэй бүтээгдэхүүн худалдан авахад дэмжлэг үзүүлэх хүү багатай зээлийн бүтээгдэхүүн бий болгох юм.
-
Цахилгаан дамжуулах, түгээх сүлжээ, дэд станцыг өргөтгөж хүчин чадлыг нэмэгдүүлэн, гэр хорооллын айл өрхийг 2.5-4кВт хүчин чадалтай цахилгаан халаагуур ашиглах боломжтой байхаар техникийн боломжийг бий болгоно.
-
Азийн хөгжлийн банк, БОАЖЯ-тай хамтран Чингэлтэй дүүргийн 12, 13 дугаар хороо, Баянзүрх дүүргийн 27 дугаар хороодын 4500 айл өрхийн 1500 бие засах газрыг шинэчлэх \”Гэр хорооллын ариун цэврийн байгууламжийг боловсронгуй болгох” төслийг 2017 оны 3-р сараас хэрэгжүүлж эхэллээ.
Эх сурвалж: НМХГ
