3 НАС:
МОНГОЛ УГСААТАНД 3 НАС ХҮРТЭЛ БУРХАН БАЙДАГ. 3 НАС ХҮРЭХЭД ХҮНИЙ ТООНД ОРУУЛДАГ. ТЭР ДУНДАА 3 НАС ХҮРСЭН ЭРЭГТЭЙ ХҮҮХДИЙН ҮСНИЙ 3 УДААГИЙН НАЙРАНД ОЧВОЛ ТЭР ЖИЛДЭЭ ХИЙМОРЬ СҮЛД САЙН БАЙНА ХЭМЭЭН ҮЗНЭ. ЧИНАД УТГА НЬ 3 НАСТАЙ ЭРЭГТЭЙ ХҮҮХЭД ХҮМҮҮНИЙ АМЬ АМЬДРАЛЫН ХАМГИЙН ЦЭВЭР ТУНГАЛАГ ЭРЧИМ ЧАДЛЫГ ХАДГАЛАН ТҮГЭЭГЧ ХЭМЭЭН ҮЗДЭГ. ГАЛЫН БУРХАН 3 НАСТАЙ ЭРЭГТЭЙ ХҮҮХЭД БАЙДАГ ГЭЖ ҮЗДЭГ.
7 НАС:
АЛИВАА ЗҮЙЛИЙН УЧИР УТГЫГ МӨН ЧАНАРААС НЬ ТАНИН МЭДЭХ ГЭЖ МЭРИЙХ НАС. ЭНЭ НАСАНД ЭРДЭМ НОМД СУРГАХ, ЭРЭЛ ХАЙГУУЛ ХИЙЛГЭХ, ЕРТӨНЦИЙН ЖАМЫГ ТАНИУЛАХ ХЭРЭГТЭЙ
13 НАС:
ХАТУУГИЙН ТУЙЛ. МОНГОЛЧУУД “13 НАС АГТ АРАА НАС” ХЭМЭЭДЭГ. ЭНЭ НАСАНД АГТ АРАА БУЮУ ЭР АРАА УРГАЖ, БОРВИ НЬ ТЭНИЙДЭГ ЮМ. ЭРЭГТЭЙ ХҮҮХЭД ЭР БИЕ БЯЛДАРШИХ НАС, ӨСӨН ТӨЛЖИХ, СЭВ ДАРАГДАХ НАС БӨГӨӨД ТОМ ХҮМҮҮНИЙ ЭГНЭЭНД ЭЛСЭН ОРЖ БУЙ НАС ЮМ. МӨН ЖИЛ ОРОХ НАС БӨГӨӨД ЭРҮҮЛ МЭНДИЙН ТАЛ ДЭЭР НЭЛЭЭН АНХААРЧ, ЯМАР НЭГЭН АЮУЛ ОСОЛ ОРОХООС БАЙНГА СЭРГИЙЛЭХ ЁСТОЙ. 13 НАСАНД ХҮРЧ ГАР ГАНЗГАНД, ХӨЛ ДӨРӨӨНД ХҮРСЭНИЙ БАЯР БОЛОХ НАР ЭЭЖ, САРАН ЭЦЭГТ МӨРГӨЖ, НАСАН ХУТАГ, ЭР ЗОРИГ, ЭРЧИМ ЧАДАЛ, ӨЛЗИЙ БУЯН СОЁРХОХЫГ АЙЛТГАНА. ҮҮНИЙГ ХӨХ ТЭХИЙН ТАЙЛГА ХИЙХ ЁСЛОЛ ГЭЖ НЭРЛЭДЭГ БАЙСАН.
17 НАС:
МОНГОЛ ЁСООР 17 НАС ГҮЙЦЭХ ҮЕД ЦУСАН ЧӨМӨГ БҮРДЭХ БА ТӨМС ХУУХНАГТ ШАР ҮС УРГАН ХАРЛАЖ ЭХЭЛНЭ. ЭРИЙН ЖАВХАА БҮРДЭХ БӨГӨӨД ЭМЭЭЛЭЭ ДААДАГ БОЛЖ, БЭЛГИЙН АМЬДРАЛЫГ ХҮСЭМЖЛЭН, УРАГЛАХ АМЬДРАЛД БЭЛТГЭГДЭХ НАС. ГЭРЛЭЛТИЙН БЭЛТГЭЛИЙГ ХАНГАЖ, ИРЭЭДҮЙД ЭЦЭГ БОЛЖ, ӨРХ ТОЛГОЙЛОХ ЁСТОЙ ГЭДГИЙГ ХАРИУЦЛАГАТАЙГААР СУРГАХ ЦАГ.
ЭНЭ НАСАНД ЭЦЭГ ЭХ ГОЙД АНХААРЧ ГЭР БҮЛИЙН БОЛОВСРОЛ ОЛГОНО.
33 НАС:
ЭР ХҮНИЙ 33 НАСАНД НАС БИЕ УХААН СУУЖ, ДАНХАР ЭР ХҮНИЙ ТООНД ОРУУЛЖ, ЭНЭ НАСНААС ЭХЛЭН ТӨРИЙН ХАР БОЛЛОО ГЭЭД ТӨРИЙН АЛБАНЫ СУУДАЛД СУУХ ЭРХ НЬ НЭЭГДЭНЭ. МӨН ЭХИЙН НАС ГЭЖ ҮЗЭЭД ЭНЭ НАСАНД ОЛОН ЗҮЙЛИЙН ОД ГАРИГ БОЛОН ХҮНИЙ АМЬДРАЛЫН САЙН МУУ ЗҮЙЛИЙН ДАВХЦАЛ БАЙДАГ ТУЛ ОНЦГОЙ АНХААРЧ, ТОДОРХОЙ ЗАСАЛ, ДОМЫГ ХИЙДЭГ. ЭНЭ НАСАНД АМИН ЭРЧИМ БУУРАХ ХИЙГЭЭД МАНДАН БАДРАХ НЬ ЗЭРЭГ ЯВАГДДАГ ТУЛ АМИН ЭРЧИМ ХҮЧЭЭ ХАЙРЛАЖ, АЖ АМЬДРАЛАА ЗОХИЦУУЛЖ ЯВАХ ХЭРЭГТЭЙ. ЭР ХҮНИЙ 33 НАС БОЛ АМЬ НАС СЭТГЭЛ ОЮУНАА БӨХЛӨХ ХАМГИЙН ЧУХАЛ ҮЕ.
55 НАС:
ЭЕ, ЭВ ЭР ХҮНИЙ ИД ХАВ ЧАДАЛ БОЛОВСОРСОН НАС. ЭНЭ НАСАНД МОНГОЛ ЭР ХҮН 5 ГАЛАА МЭДДЭГ. 5 ГАЛ МЭДЭХ ГЭДЭГ НЬ 5 ГАЛ БУЮУ 5 ЭР ХҮНИЙ ЧАДЛЫГ ӨӨРТӨӨ ХУРААСАН ГЭХ БУЮУ ГАНЦ БИЕЭРЭЭ 5 БААТАРТАЙ ЭН ТЭНЦЭХ, ИД ХАВ БҮРДСЭН ГЭСЭН. ЧАДАЛ МУУТАЙ ЭР ХҮНИЙГ АДАГ ТАВАН АРАА ЗУУСАН ХҮН ГЭДЭГ. ТЭГЭХЭЭР ЭНЭ НАС БОЛ 55 ТЭНГЭРТ ТЭТГЭГДСЭН, ТЭГШ 5 ХҮСЭЛ БҮРДСЭН, 5 УХААН, 5 ХҮЧИЙГ ХУРААСАН, 5 МЭДРЭХҮЙН ЦЭНГЭЛИЙГ ТААЛСАН НАС ЮМ.
99 НАС:
ЭНЭ НЭС БОЛ 9 ЭРДЭМ, 9 ХҮЧ, 9 ЧАНАР ХУРСАН, ХААН ТӨРИЙН ИВЭЭЛД БАГТСАН, ХАНАГАР ЭРХЭМ ХҮНДТЭЙ НАС ЮМ.
Монгол ёс заншил судлаач В.Эрдэнэсувд
