Л.Болд: Аргаа бараад санаатай муу ажиллаж, засгаа унагах гээд байгаа улс юм уу ч гэж харж байна

-Ухаалаг бус, хатуу, хүйтэн татвар нэмэх аргаар хүндрэлээс гарчихдаг тийм түүх хаана ч байхгүй. Бүсээ чангалж болно. Санхүүгийн сахилга батыг дээшлүүлж болно. Гэхдээ хүн амын дундаж түвшнийхэн, бизнес эрхлэгчид, цалингийн орлоготой иргэдийнхээ нуруун дээр шууд очих татварыг нэмснээр эдийн засаг сайхан болох уу? Үгүй л байхгүй юу.

Санхүү, төсвийн хүндрэл байгаа нөхцөлд төсвийн тодотгол хийх шаардлагатай бол дотоод нөөц бололцоог бүрэн дайчилж тэвчиж болох зардлуудыг царцааж, зарлагыг бууруулах ёстой байсан. Гэтэл төсвийн тодотголд төсвийн нийт зардлыг 2017 онд батлагдсан төсвөөс 220.7 тэрбум төгрөгөөр нэмэгдүүлсний дотор бараа үйлчилгээний зардал 49.1 тэрбум төгрөгөөр, эд хогшил, урсгал засварын зардал 537.8 сая төгрөгөөр, гадаад, дотоод томилолтын зардал 317.4 сая төгрөгөөр, хангамж, бараа материалын зардал 380.0 сая төгрөгөөр, унаа, хоолны хөнгөлөлт 736.3 сая төгрөгөөр тус тус нэмэгдсэн байна.

Юу хэлж байна гэхээр унаа, хоолны хөнгөлөлт, гадаад, дотоод томилолтын зардлаа бараг тэрбум төгрөгөөр нэмэгдүүлчихэж, бараа үйлчилгээ, эд хогшлын зардал нь бараг 50-иад тэрбумаар гэх мэтчилэн нэмсээр 220.7 тэрбум төгрөгийн зардал анх төсөв батлагдсан хэмжээнээс давуулж бичээд оруулж ирж байна.

Тэгээд энэ их нэмэгдүүлсэн зардлаа хаанаас олох вэ, нөгөө долоон төрлийн татвар нэмэх, хувь хүний орлогын албан татвар, шимтгэлээ ихэсгэх замаар л олох гэж байгаа юм байна.

Тийм мөртлөө эрх баригчид олны нүдэн дээр юу яриад явж байгааг харж байна уу. Ерөнхий сайд хичнээн сайхан үг ярилаа, \”Дүүриймаануудыг байхгүй болгоё л гэнэ, намынх нь дарга сая чуулганы нээлтээр хичнээн сайхан үг хэлэв, \”Монголын ард түмэн биднээс сахилга хариуцлагыг, ёс жудгийг нэхэж байна” гэж ирээд л. Агуулга нь муудаад, юу ч үгүй бантан хутгаад ирэхээр хэлбэрдэлт нь ихсээд ирж байна.

Дарга нар нь гоё сайхан үг хэлээд л байдаг, араар бусад нь төсвийн зардлыг гайхамшигтай ихээр нэмэгдүүлж, яг л хэлснийх нь эсрэгээр ажиллаад байна. Санаатай тэгээд байдаг юм уу, Сангийн сайд нь зориудаар ингээд байгаа юм уу ч гэж гайхширмаар. Аргаа бараад санаатай л муу ажиллаж, Засгаа унагах гээд байгаа улс юм уу гэж ч харж байна.

Төгс