“Эрдэнэт”-ийн шинэ, хуучин ТУЗ өрөөгөө булаацалдсаар

УИХ-ын шийдвэр, Засгийн газрын тогтоолоор \”Эрдэнэт” үйлдвэр 100 хувь төрийн
өмчид очсон. Энэ дагуу Төрийн өмчийн бодлого, зохицуулалтын газраас Төлөөлөн
удирдах зөвлөлийн бүрэлдэхүүнд өөрчлөлт хийж, захирал, орлогчуудыг томилсон
билээ. Буруу ч бай, зөв ч бай \”саалийн үнээ” гацаанаас гарч, ажил нь жигдэрч
эхэллээ гэж бодож байв.

Гэтэл ОХУ-аас \”Эрдэнэт” үйлдвэрийн 49 хувийг хууль бусаар худалдаж авсан
гэгдэх \”Монголын зэс” компанийн гомдлыг анхан шатны шүүх хэлэлцээд \”УИХ,
Засгийн газрын тогтоол, Төрийн өмчийн бодлого, зохицуулалтын газраас гаргасан
шийдвэрүүдийг хүлээн зөвшөөрөх боломжгүй” гэсэн шийдвэрийг гаргасан байна. Ингэснээр ажил нь жигдэрлээ гэж бодож
байсан \”Эрдэнэт” үйлдвэрт холион бантан хутгалдаж эхэллээ.

 

Даваа гаригт үйлдвэрийн удирдлагууд шуурхай хуралдаанаа хийж. Тэгсэн 49
хувийн талынхан буюу Д.Эрдэнэбилэг нар \”Бид шүүхэд ялалт байгуулсан. Одоо бид
ажлаа хийнэ” гэж хэлээд шуурхай хуралдааны үеэр ороод ирсэн байна. Мөн 49
хувийн ТУЗ-д ажиллаж байсан хүмүүс өнөөдрийг хүртэл албан өрөөгөө суллаж
өгөөгүйгээс болоод сүүлд томилогдсон орлогч захирлууд хонгилд ширээ тавиад суух
нь холгүй л аж төрцгөөж байгаа гэнэ.

 

Уг нь УИХ-ын
шийдвэрийн дараа 100 хувийнхан нэлээд додгор байсан ч, шүүхийн шийдвэрээр
ялалтаа авсан 49 хувийнхан \”Гендерекц”/ГОК-ын Эрдэнэт дахь оффис/ хавиар бүдүүн
бүдүүн дугарч, инээлдэн алхацгаах болсон гэнэ. Эрдэнэт
үйлдвэрийн 49 хувийг худалдаж авсан явц нь хууль бус. Гэсэн ч түүнийг нь төрийн
эрхээр далайлган булааж авсан нь бас л буруу. Яамаар ч юм бэ дээ. Шүүх нь
парламенттайгаа зөрчилдөж байх хооронд Эрдэнэт үйлдвэрийн ТУЗ өрөөгөө
булаацалдаад хөгийн ч юм болж байна даа.