Австри Улсын Байгалийн нөөц, амьдралын шинжлэх ухааны их сургуулийн Химийн лабораторийн профессор, доктор Д.Гүн-Оргил, молекул биологич, доктор Р.Өлзийням нар Монгол Улсын Үндэсний Номын Сангийн Үнэт ховор номын музей, Монгол судлал, гар бичмэлийн сан хөмрөг, Тогтмол хэвлэлийн сан хөмрөгт хадгалагдаж буй судар ном, эртний баримтат өв, сонин сэтгүүлээс микробиологийн болон номын үнэрийн дээжүүдийг авчээ.
Гол зорилго нь:
-
Үндэсний Номын Санд хадгалагдаж буй ном, судар, эртний баримтат өвүүд ямар үнэртэй болох,
-
Тус үнэр нь юунаас үүдэлтэй болох,
-
Номыг бүрдүүлж буй материалуудад химийн урвал хэрхэн явагдаж буй,
-
Урьдчилан сэргийлэх болон хадгалалт хамгаалалтын аргачлал боловсруулах,
-
Номын гадаргуу дээр ямар бичил организм үүсэж буйг таньж тогтооход чиглэгдэж байгаа аж.
Энэхүү судалгааны үр дүн ирэх 2026 онд гарах юм байна.
Эх сурвалж: Монгол Улсын Үндэсний номын сан
