29-р сургуулийн удирдлагууд цагдаа нарт шаардлага хүргүүллээ

 

Нийслэлийн ЕБС–ын 29-р сургуулийн багш нар өнөөдөр Сүхбаатар дүүргийн цагдаагийн нэгдүгээр хэлтэст шаардлага хүргүүллээ. Тодруулбал өчигдөр \”Ийгл” телевизээр 21 цагийн орчимд цацагдсан \”Чимээгүй хашхираан” нэвтрүүлэгт 29-р сургуулийн багш нар сурагчидтай зүй бусаар харьцаж тэднийг байнга дарамталдаг, тус сургуулийн залуу багш нар 12-р ангийн охидыг бэлгийн дарамт үзүүлдэг, зэрэг мэдээлэл агуулсан нэвтрүүлэг олон нийтэд цацагдсан. Харин дээрх сургуулийн удирдлага, багш нарын зүгээс уг асуудлыг шалгаж өгөхийг хүсэн Сүхбаатар дүүргийн цагдаагийн нэгдүгээр хэлтсийн гадаа цугларсан байна. Энэ үеэр тус сургуулийн багш нарын асуудлыг хариуцсан өмгөөлөгч Г.Батбаяр хэвлэлийнхэнд хандан ийнхүү мэдээлэл өглөө.

 

 

Өмгөөлөгч Г.Батбаяр хэлэхдээ \”Үндсэн хуулийн 16-ийн 2-т заагдсан төрийн байгууллага албан тушаалтанд өргөдөл гомдол гаргах, гарган шийдвэрлүүлэх эрхтэй, түүнийг төрийн байгууллага шийдвэрлэх үүрэгтэй гэсэн энэ эрх үүргийн хүрээнд явж байна. Энэ сарын 7,8-ны өдөр гомдол гаргасан. Үнэхээр хүүхэд хүчирхийлсэн гэмт хэрэгтэн байгаа бол тогтоогоод өгөрчээ, хохирогчдыг нь олоод өгөөч ээ. Хэрэв тийм этгээд байхгүй бол бид нар хэвийн ажиллаж амьдрах эрхээ эдэлмээр байна. үр хүүхдэдээ анхаарлаа хандуулмаар байна. Ийм байхад хүүхдүүдийг хүчинддэг зоддог багш нар хоорондоо бэлгийн хавьталд замбараагүй ордог гэсэн доромжилсон зүйлийг эзэн холбогдогчгүй тараагаад байна. Ард иргэдийг төөрөлдүүлээд байна гэсэн гомдол гаргасан. Энэ гомдлын хүрээнд Сүхбаатар дүүргийн цагдаагийн нэгдүгээр хэлтсээс мөрдөн шалгах ажлын хэсэг гарсан. Ажлын хэсэг 10-аад хүний бүрэлдэхүүнтэй.

Гэхдээ үүний ажлын хэсгийн ахлагчаар н.Ууганбаяр байцаагч явж байгаа. Энэ этгээдэд хэргийг хурдан шийдвэрлээд өгөөч ээ гэсэн хүсэлтийг удаа дараа гаргасан. Үүний дагуу 29-р сургуульд ажлын хэсэг очиж ажилласан. Энэ хооронд зарим нэгэн этгээдүүд тэр сургууль дээр орж гараад ярьж чадахгүй, үг сонсож чадахгүй хэл ярианы хөгжил муутай ийм хүүхдүүдээр дохио зангаа сайн мэдэхгүй ашиг сонирхлын зөрчилтэй этгээдийн яриаг орчуулуулаад ийм нэг хохирогч байна. Гэмт этгээд сул яваад байна гэдэг нь хуульд нийцэхгүй байна. Өчигдөр \”Ийгл” телевизээр мэдээлэл явж байна. Энэ нь өөрөө бусдын нэр хүндийг зөрчөөд байна. Цагдаагийн байгууллага олж чадахгүй байхад яагаад зарим этгээдүүд тэрийгээ нуугаад байгаа юм. Гэмт хэрэг үйлдээд байгаа этгээд эрүүгийн хуулийн 246, гэмт хэргийг нуун далдлах, эрүүгийн байцаан шийтгэх хуулийн эсрэг үйл ажиллагаа үйлдэж байгаа нөхдүүдийг шалгаад өгөөч ээ гэж шаардлага хүргүүлэхээр явж байна. Бид нар өргөдөл гомдлынхоо хариуг авах эрхтэй. Тийм болохоор ажлын хэсгийн ахлагч н.Ууганбаяртай уулзахаар ирж байгаа ийм л зүйл болоод байна” гэв.

 

Энэхүү асуудлын дагуу бэлтгэсэн Ийгл телевизийн \”Чимээгүй хашхираан\” нэвтрүүлгийг энд дарж үзнэ үү.