Бензиний хомсдолын талаар Аж үйлдвэр, эрдэс баялгийн сайд Г.Дамдинням дараах тайлбарыг өгчээ. Түүний тайлбараас товчлон хүргэж байна.
Тэрбээр “Энэ бол анх удаа үүсэж байгаа асуудал биш. Жил болгон л үүсдэг. Манай улс нэг ч удаа агуулах барьж, нөөц бүрдүүлж байгаагүй юм байна. Өмнө нь яагаад энэ ажлуудыг хийдэггүй байсныг би мэдэхгүй. Гэхдээ хийе гэсэн зорилготой ажиллаж байна.
Энэ удаад зөвхөн АИ92 төрөл тасалдаж байгаа.
Манай улсын өдрийн дундаж хэрэглээ бол 2,300 орчим тонн. 1,200 орчим тонн нь Улаанбаатар хэрэглэгддэг.
Зохион байгуулалттай гэдэг ч юм уу хардах юм байна. Бид шалгуулж байгаа.
Ийм нөхцөл байдал үүссэн үед бүгд очоод зогсчихдог. Ингээд ердийн хэрэглээнээс хоёр дахин ихийг аваад байгаа.
Нөхцөл байдал одоо намжина. Өнөөдөр ОХУ-аас 3,000 гаруй тонн бензин бууж байгаа. БНХАУ-аас 14 мянган тонн бензин авах захиалга өгөөд байсны эхний хэсэг нь өнөөдөр наашаа ачигдаж байна.
Шатахуун түгээх станцуудаас 2-3 удаа давтаж орж ирээд байгаа хүмүүс байна. Нийтэд хүртээх тал дээр бодож үзээч гэдэг асуудлыг тавьсан. Мөн өчигдрөөс эхлээд машиныхаа хойно 25 литрийн саванд нөөцөлчихсөн, шагийн бензин гэдэг асуудал руу орж байна. Банкандаа аваад юүлээд байна.
Эх орон, элэг нэгт монголчуудаа боддоггүй хүмүүс хандаж хэлэхэд шатахууны хангалт эрс нэмэгдсэн. Та бүгдийн хийж байгаа зүйл үр өгөөжгүй ажил болно. Цагдаагийн байгууллагаас хэд хэдэн хүнийг тогтоогоод шалгаж байгаа” гэлээ.
