Анхдугаар Үндсэн хуулиа баталж, Бүгд Найрамдах Улсаа тунхагласны түүхт 101 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх зарлиг гарган нэр бүхий эрхмүүдэд төрийн дээд цол, одон, медаль хүртээв.
Ерөнхийлөгчийн зарлигаар Улсын хүүхэлдэйн театрын ахмад жүжигчин, туслах найруулагч Осорын Норолхоод Гавьяат жүжигчин цол, тэмдгээр шагнууллаа.
Алтантүлхүүр жүжгийн Бурaтиногийн дүрээр ард түмэндээ хүндлэгдсэн жүжигчин О.Норолхоо ийн урлагт зүтгэсэн 40 гаруй жилийн хөдөлмөрөө үнэлүүлэв.
Тэрээр, намайг өдий зэрэгт явах хамгийн том хүч болсон үзэгчиддээ талархаж байна. Улсын хүүхэлдэйн театр, Драмын театр, Соёлын яамд талархлаа. Өдий насандаа энэ өндөр шагналыг авсандаа хэлэх үг олдохгүй баярлаж байна хэмээн баярын сэтгэгдлээ хуваалцлаа.
