Ерөнхий сайд Г.Занданшатар танхимын гишүүдийнхээ хамт 11-р сарын 9-ний өдөр Монгол Улсыг 2026-2030 онд хөгжүүлэх таван жилийн үндсэн чиглэлийг олон нийтэд танилцуулсан. Энэ үеэр шатахуунтай хомсдол болон хэрэглээний цаашдын чиг хандлагатай холбоотой сэтгүүлчийн асуултад товч хариулсныг хүргэж байна.
Ерөнхий сайд Г.Занданшатар, АИ-92 автобензинийг зөвхөн Монголд Улсад ашиглаж байна. Автомашины эдэлгээг уртасгах, туулах чадвар зэрэгт АИ-95 нь илүү үр ашигтай гэж олон улсад үзэж, евро стандартын шатахууныг хэрэглэж, АИ-92-ыг дэлхий даяар хэрэглээнээс хассан. Тиймээс бид ч цаашид евро 92, евро 95 шатахууны хэрэглээнд шилжих шаардлагатай.
Дорноговь аймгийн Алтанширээ сумын нутагт Газрын тос боловсруулах үйлдвэрийн бүтээн байгуулалтын ажлын явц 50 хувьтай өрнөж байна. Нефть боловсруулах үйлдвэрийг 2028 онд ашиглалтад оруулахаар төлөвлөсөн ч гүйцэтгэгч компани 2027 онд багтаан ашиглалтад оруулахаар төлөвлөж буйгаа мэдэгдсэн. Үйлдвэр ашиглалтад оруулахтай холбоотой түүхий эдийн хангамжийн асуудлыг шийдвэрлэнэ.
Энэ үйлдвэр ашиглалтад орсноор Монгол Улс евро стандартын шатахууны хэрэглээнд шилжинэ.
Шинэ үйлдвэр ашиглалтад орох хүртэл шатахууны тогтвортой хангамжийн асуудлыг шийдсэн. ОХУ-аас ачилт гурав дахин нэмэгдсэн. Улаанбаатар хот сая шахам машинтай. Машин бүхэн банкаа дүүргээд байвал шатахууны зохиомол хомсдол үүсэлгүй яах вэ гэж Ерөнхий сайд Г.Занданшатар хариулж байв.
