АНУ-ын ерөнхийлөгч Дональд Трампын эрүүл мэндтэй холбоотой таамаг, санаа зовнилууд сүүлийн саруудад их гарч байна.
Тэрбээр энэ оны аравдугаар сард MRI /Соронзон Резонанс Томограф/ шинжилгээнд орсон аж.
Түүний шинжилгээний хариу ямар ч асуудалгүй буюу “цоо эрүүл” гарсныг Цагаан ордны эмч Шон Барбабелла танилцууллаа.
Трампын өндөр нас, хоёр дахь бүрэн эрхийн хугацаанд ажиллах эрүүл мэндийн чадавхийн талаар санаа зовниж буй Ардчилсан намынхан, тэр дундаа Миннесота мужийн захирагч Тим Вальц нар уг шинжилгээний үр дүнг нийтлэхийг шаардаж байсан юм.
Өмнө нь Цагаан ордон Трампыг яагаад уг шинжилгээнд орох болсон шалтгааны талаар мэдээлэхээс татгалзаад байв.
Тэгвэл Барбабелла эмчийн мэдээлснээр Трампын насны эрчүүдэд энэ төрлийн шинжилгээ үзлэг хийх нь хэвийн үзэгдэл гэв.
Шинжилгээний хариунаас үзэхэд түүнд ямар нэг судасны бөглөрөл, нарийсал байхгүй бөгөөд зүрх судасны тогтолцоо “маш сайн” байгааг онцолжээ.
Өдгөө 79 настай Трамп сүүлийн үед хөл нь хавагнаж, гар нь хөхөрсөн хэд хэдэн тохиолдол зурагчдын камерын дуранд буусан.
Энэ оны долоодугаар сард Цагаан ордноос түүнийг венийн судасны архаг дутагдалтай болсон хэмээн мэдээлж байв.
Эх сурвалж: ВВС
