ОХУ болон БНХАУ-ын удирдагчид лхагва гарагт видео дуудлагаар холбогдож хамтын ажиллагаагаа бэхжүүлэх талаар ярилцжээ.
Кремлиэс гаргасан тэмдэглэлд дурдсанаар Путин “Хоёр орны гадаад харилцаа нь дэлхий дахины тогтворгүй байдлын энэ үед чухал тэнцвэржүүлэгч хүчин зүйл болж байна” хэмээн онцолсон байна.
Тэрбээр ОХУ болон БНХАУ цаашид ч бүс нутгийн болон олон улсын хүрээнд ойр ажиллаж НҮБ, BRICS болон Шанхайн хамтын ажиллагааны байгууллагын үйл ажиллагаанд ч Орос, Хятадын харилцаа чухал үүрэг гүйцэтгэж байгааг дурдав.
Путин хоёр улс “жишигт нийцсэн иж бүрэн түншлэл, стратегийн хамтын ажиллагааг хөгжүүлсэн” хэмээгээд ОХУ нь талуудын тусгаар тогтнол, аюулгүй байдал, нийгэм, эдийн засгийн хөгжилд дэмжлэг үзүүлэхээ баталгаажуулжээ.
БНХАУ-ын дарга Ши Жиньпин талууд олон салбарт практик хамтын ажиллагааг бэхжүүлэхийн тулд томоохон төлөвлөгөө хэрэгжүүлэх хэрэгтэйг уриалсан байна.
АНУ-ын ерөнхийлөгч Дональд Трамп улс орнуудад импортын татвар ногдуулж эхэлснээс хойш Барууны удирдагчдыг БНХАУ-д шинэ боломж эрэлхийлэх болсон.
Тухайлбал Их Британи болон Канад улсын ерөнхий сайд нар Бээжин хотод айлчилсан бол энэ сард Германы Канцлер БНХАУ-д айлчлахаар төлөвлөөд байна.
Эх сурвалж: Aljazeera
