Ромео & Жульетта тайзнаа дахин амилна

У.Шекспирийн алдарт \”Ромео Жульетта\” хэмээх жүжгийн тайзны бүтээл болгохыг хүсдэггүй найруулагч гэж үгүй. Мөн \”Ромео Жульетта\”-д хүч авъяасаа сорьж залуу насаа энэ дүрээр мөнхлөхийг хүсдэггүй жүжигчид ч гэж үгүй. Үнэхээр ч хайр дурлалын хүч ямар гайхамшигтай байдаг хийгээд түүний сайн сайхныг мэдрүүлж чадах цорийн ганц бүтээл бол яах аргагүй \”Ромео Жульетта\” мөн

Монголын театрын тайзнаа \”Ромео Жульетта” бүтээл 1966 онд Хүүхэд Залуучуудын Театрт С.Гэндэн найруулагчийн найруулгаар анхлан тайзны бүтээл болж Ромеод жүжигчин Ц.Готов, Жульеттад жүжигчин Б.Энхтуяа нар тоглож байсан бол 30 жилийн дараа буюу 1996 онд Улсын Драмын Эрдмийн Театрын тайзнаа найруулагч Ч.Найдандоржийн найруулгаар үзэгчдийн хүртээл болсон түүхтэй.

Тэр үед танхим дүүрэн үзэгч, нижгэнэсэн алга ташилт сэтгэл догдолсон залуусын уухайн түрлэгтэй исгэрэх чимээнд театрын байр бараг ганхаж байх шиг санагддаг байж билээ гэж уран бүтээлчид өнөө хэр дурсан ярьцгаадаг. 

Үнэхээр ч \”Ромео Жульетта” жүжиг тэр агшин, тэр цаг хугацаанд театрын түүхэнд эргэлт хийсэн бүтээл болж тухайн жилийнхээ \”Гоо марал” шагналын \”Шилдэг жүжиг\”, \”Шилдэг найруулаг÷”, \”Шилдэг эмэгтэй дүр”-ийг шагналаар шагнагдсан.

1996 онд ийнхүү үзэгчдийн хүртээл болсон \”Ромео Жульетта” жүжигт:

Найруулагчаар Ч.Найдандорж

Зураачаар Я.Санжаасүрэн

Хөгжмийн зохиолчоор Х.Булган нар ажиллаж гол дүрүүдийг

Ромеод – жүжигчин О.Гэрэлсүх, Г.Алтанбагана

Жульеттад – жүжигчин И.Одончимэг, Г.Урнаа

Тибальдад – жүжигчин Л.Дэмидбаатар

Капульеттад – жүжигчин П.Цэрэндагва

Өрлөг эхэд – жүжигчин С.Сарантуяа

Лоренцо ламд – жүжигчин Л.Жамсранжав

Парис гүнд – жүжигчин Б.Жаргалсайхан нар бүтээж байсан.

Харин энэ удаад 19 жилийн дараа Төрийн соёрхолт, найруулагч Н.Наранбаатарын найруулгаар тайзнаа дахин шинээр бүтээн туурвигдаж шинэ зууны үзэгчдийн сэтгэл оюуныг мялаах гэж байна.

Эх сурвалж: www.TODAY.mn